Astanadaǵy úsh aýysymdy mektepterdiń qanshasy qazaqsha bilim beredi

<p>ASTANA. KAZINFORM &ndash; Astana qalasynyń bilim basqarmasy <a href="https://kaz.inform.kz/" target="_blank" rel="noopener">Kazinform</a> saýalyna bergen jaýabynda elordadaǵy úsh aýysymmen jáne shamadan tys júktememen oqytatyn mektepterdiń oqytý tili jóninde málimet berdi.</p>

«Jyl saıyn týý men kóshi-qon esebinen mektep oqýshylarynyń sany artý ústinde. Soǵan saı Astanada úsh aýysymda oqytatyn 8 mektep bar. Onyń ishinde bireýi memlekettik tilde oqytady. Aralas mektepterdegi 13 774 bala orys synybynda, 14 152 bala qazaq synybynda synybynda oqıdy. 16 mektepte bala sany shamadan artyq, onyń ishinde úsheýi memlekettik tilde oqytady. Ondaǵy aralas mektepterdegi 21 907 bala - orys synybynda, 22 498 bala - qazaq synybynda oqıdy» delingen basqarmanyń jaýabynda.

Qazirgi tańda qaladaǵy memlekettik mektepterdiń 35-i qazaq tilinde, 3-i orys tilinde, 64-i aralas tilde bilim beredi.

«Qaladaǵy memlekettik tilde oqytatyn 35 mekteptiń bireýi úsh aýysymmen, úsheýi shamadan tys júktememen, 31-i jobalyq qýatyna saı júktememen jumys istep tur. Orys tilinde oqytatyn 3 mektep jobalyq qýatyna saı júktememen jumys isteýde. 64 aralas mekteptiń 7-ýi úsh aýysymmen, 12-si shamadan tys júktememen, 45-i standartqa saı júktememen jumys isteıdi» dep jazylǵan jaýapta.