Astanadaǵy Turan dańǵylynda qozǵalys qaıta jandandy

<p>ASTANA. KAZINFORM &ndash; Qazirgi ýaqytta Orynbor kóshesi men Turan dańǵyly qıylysatyn aýmaqta magıstraldyq káriz kollektoryn salý jumysy aıaqtaldy. Bul týraly Astana qalasy ákimdiginiń baspasóz qyzmeti málim etti.&nbsp;</p>

«Turan dańǵylynyń boıymen kólik qozǵalys eki baǵytta da ashyq. Baqylaý kameralaryn ornatý boıynsha júrgizilip jatqan jumystarǵa baılanysty qalaǵa Uly dala kóshesi arqyly kiretin baǵyt boıynsha shetki oń jaq jolaq jáne Turan dańǵylynan Orynbor kóshesine qaraı oń jaq boıynda qozǵalys shekteledi. Biraq bul jalpy qozǵalysqa áser etpeıdi, óıtkeni qozǵalys eki baǵytta da ashyq», - delingen habarlamada. 

Aıta ketý kerek, bul jobany iske asyrý elordanyń ınjenerlik ınfraqurylymyn damytý jáne turmystyq káriz jelileriniń toqtaýsyz jumys isteýin qamtamasyz etý úshin óte qajet.