Astanadaǵy statsıonarlarda qyzylshaǵa qarsy bes myńǵa jýyq adam emdeldi

<p>ASTANA. KAZINFORM &ndash;&nbsp;Ótken jyldyń naýryz aıynan bastap búginge deıin Astanada statsıonarlyq deńgeıde 4 575 patsıent emdeldi, onyń 3 264 &ndash; i balalar. Bul týraly ÓKQ brıfınginde Astana qalasy Qoǵamdyq densaýlyq saqtaý basqarmasynyń basshysy Álııa Rústemova málimdedi, dep habarlaıdy qalalyq ákimdiktiń resmı saıty.</p>

Bıylǵy 19 qańtardaǵy jaǵdaı boıynsha elordada 336 naýqas statsıonarlyq em qabyldap jatyr, onyń 236-sy – balalar.

«Búgingi tańda Balalar ınfektsııalyq statsıonarynyń júktemesi 47 % quraıdy.
Infektsııalyq statsıonarlarǵa júginý sany azaımaı tur, orta eseppen táýligine 100-ge jýyq adam júginedi, onyń ishinde 75-i – balalar. Táýligine 50-ge jýyq adam aýrýhanaǵa jatqyzylsa, onyń 35-i – balalar», - dedi Rústemova.

Ol qyzylshanyń qaýipti ekenin, eń aldymen aýyr asqynýǵa alyp kelýi múmkin ekenin eske saldy. Kóbinese tynys alý júıesi zardap shegedi, larıngıt damıdy (kómeı stenozy), ortańǵy qulaqtyń qabynýy (otıt), irińdi ınfektsııanyń qabaty, tipti ókpeniń qabynýyn (pnevmonııa) týdyrýy múmkin. Ekinshi orynda – asqazan-ishek joldarynyń zaqymdanýy (stomatıt, enterokolıt).

Asqynýdyń eń aýyry – entsefalıt pen menıngıt, sondaı-aq sklerozdy panentsefalıttiń damýy bolýy múmkin. Sońǵysy birneshe jyldan keıin, 2-10 jyldan keıin qyzylshadan keıin bastalady.

«Qyzylshamen syrqattaný bastalǵannan beri aýrýhanaǵa jatqyzylǵandardyń jalpy sanynan 92 bala jansaqtaý bóliminde óte aýyr jaǵdaıda boldy. Vaktsınatsııalanbaǵan balalar arasynda aýrýshańdyq 96% tirkelgen.

Eresekter arasynda negizinen 18-30 jas aralyǵyndaǵy jastar aýyrady. Eresek turǵyndar arasynda naýqastardyń jartysyna jýyǵy merzimdi qyzmettegi áskerı qyzmetshiler men orta jáne joǵary oqý oryndarynyń stýdentteri boldy», - dedi basqarma basshysy.

Qazir qalanyń barlyq medıtsınalyq uıymdarynda qyzylshaǵa qarsy vaktsınanyń sany jetkilikti, sondaı-aq basqarý qoımasynda vaktsınanyń 55 620 dozasy bar.

Barlyq emhanalarda balalardy qyzylshaǵa qarsy 6 aıdan 10 aıǵa deıin 29 kún, sondaı-aq 2-4 jyl qosymsha jappaı vaktsınatsııalaý jalǵasýda.

JRVI jáne qyzylshamen aýyratyn naýqastarǵa medıtsınalyq kómek kórsetý úshin emhanalarda saǵat 08.00-den 20.00-ge deıin jumys kúnderi jáne demalys kúnderi fıltr-kabınetteri jumys isteıdi. Sondaı-aq jumys kúnderi saǵat 08.00-den 18.00-ge deıin jáne demalys kúnderi saǵat 09.00-den 18.00-ge deıin aldyn ala jazylýsyz vaktsınatsııa kabınetteri ashyldy.