Astanadaǵy paralımpıadalyq jattyǵý ortalyǵyna bólinetin qarjy kólemi qysqarmaq
«Paralımpıada oqý ortalyǵy men múgedek jandarǵa arnalǵan «Tarlan» muz aıdynynyń qyzmeti boıynsha memlekettik jeke menshik sharty boıynsha qabyldanǵan mindettemelerdiń jalpy somasyn 52 mln 313 myń teńgege azaıtý máselesin qaraýdy usynamyz. «Tarlan» muz aıdyny ortalyǵynyń qyzmetin uıymdastyrý seriktestik jobasy boıynsha 2019-2028 jyldar aralyǵynda memlekettik mindettemelerdiń qarajaty 3 mlrd 96 mln 659 myń teńgeni quraıdy. 2019-2023 jyldary 1 mlrd 339 mln 278 myń teńge tólendi. 2028 jylǵa deıingi tólenetin soma qaldyǵy 1 mlrd 757 mln 381 myń teńge», - dedi Astana qalasy Dene shynyqtyrý jáne sport basqarmasy basshysynyń mindetin atqarýshy Islambek Baımanov.
Osylaısha Astana qalasy boıynsha tekserý komıssııasynyń 2023 jylǵy 29 qarashadaǵy buıryǵyna sáıkes, shart somasyn 52 mln 313 myń teńgege azaıtýdy surap otyr.
«Qysqartýdyń sebebi 2020 jyldyń 1 qańtarynan 2023 jyldyń 30 maýsymyna deıingi kezeńde qarjy durys eseptelmegen. Sonymen qatar 2023-2024 jyldarǵa arnalǵan jyldyq esep nátıjesinde únemdelgen qarajatqa baılanysty boldy. Astana qalasynyń bıýdjettik komıssııasy otyrysynyń 2024 jylǵy 4 maýsymdaǵy №11 hattamasymen buryn qabyldanǵan mindettemelerdi qysqartýdy bekitý týraly sheshim qabyldandy. Mindettemelerdiń túzetilgen somasy 3 mlrd 44 mln 346 myń teńge», - deıdi ol.