Astanadaǵy «Myńjyldyq» saıabaǵy qalaı ózgeredi
Astana qalasynyń ákimi Jeńis Qasymbek «Myńjyldyq» saıabaǵy týraly aıtty, dep habarlaıdy Kazinform elorda ákimdiginiń resmı saıty.
Turǵyndar áleýmettik nysandar (mektepter, balabaqshalar, medıtsınalyq mekemeler), joldar, ınjenerlik ınfraqurylymdar salý, aýlalar men qoǵamdyq keńistikterdi abattandyrý, turǵyn úı-kommýnaldyq sharýashylyq salasyn damytý jáne t.b. máselelerdi kótergen. Onda «Myńjyldyq» saıabaǵynyń boıyndaǵy áleýmettik nysandardyń qurylysy qarastyrylǵan.
"Mysaly, atalǵan shaǵyn aýdanda 5 mektep bar. Munda «Jaıly mektep» ulttyq jobasy aıasynda eki mektep, jeke ınvestorlar esebinen taǵy eki mektep salamyz.
Sonymen qatar, ınvestor jańa vokzal aýdanynda ambýlatorııalyq keshenniń qurylysyn júrgizip jatyr.
Sol sııaqty, eki balabaqsha salý da josparlanyp otyr", - dedi ákim.
Ol qurylys salýshylarǵa qoıylatyn talaptar kúsheıgenin de atap ótti: arnaıy burmalary joq jerlerge turǵyn úı kesheniniń salynýyna ruqsat berilmeıdi. Sondaı-aq, qurylys salýshylar óz aýmaqtaryn tıisti deńgeıde abattandyrýy jáne kógaldandyrýy qajet.
"Shaǵyn aýdandy ınjenerlik jelilermen qamtamasyz etý úshin nóser káriziniń tazartý qurylysy, nóser káriziniń kollektorlarynyń qurylysy júrgizilip jatyr. Jylý-energetıkalyq júıeni damytý baǵdarlamasy aıasynda úlestirý pýnkti men transformatorlyq qosalqy stantsııa salý, 110 kV EBJ rekonstrýktsııalaý, salý («Juldyz» qosalqy stantsııasynyń transformatorlaryn aýystyrý jáne «Vostochnaıa» qosalqy stantsııasynyń 110 kV kabeldik jelisin rekonstrýktsııalaý) jáne t.b. jumysy júrip jatyr", - deıdi Jeńis Qasymbek.
Aıta keteıik, saıabaqty qalpyna keltirý Memleket basshysynyń tikeleı baqylaýynda.