Astanadaǵy qoǵamdyq kólik parki jańa 320 avtobýspen tolyǵady

<p>ASTANA. KAZINFORM &ndash; Elordanyń ákimi Jeńis Qasymbek <a href="https://www.instagram.com/p/DAIrjgcsnKW/?igsh=eWdsdmdqcHloenA0" target="_blank" rel="noopener">Instagram</a> paraqshasynda qoǵamdyq kólik sany artatyny týraly jazdy, dep habarlaıdy elorda ákimdiginiń resmı saıty.</p>

«Bıyl elordanyń qoǵamdyq kólik parki 320 avtobýspen tolyǵady. Olardyń basym bóligi qazirdiń ózinde jelige shyqty. Máselen, birer kún buryn elordaǵa jańa 55 avtobýs jetkizildi. Onyń 26-sy tolyq jabdyqtalyp, marshrýtqa shyqty. Qalǵan bóligi tehnıkalyq daıyndyqtan ótkennen keıin jelige shyǵady», - dep jazdy Astana ákimi.

Óńir basshysy jańa qoǵamdyq kólikter jańa baǵyttaǵy marshrýttardy ashýǵa, kútý ýaqytyn qysqartýǵa, eski avtobýstardy kezeń-kezeńimen aýystyrýǵa múmkindik beretinin atap ótti. 

«Byltyr qoǵamdyq kólik parkin 400 avtobýsqa ulǵaıtqanbyz. Jyljymaly quramdy jańartý jumysy júrip jatyr», - dep jazdy Jeńis Qasymbek.  

Eske sala keteıik, buǵan deıin Astanada ústel tennısinen alǵash ret Azııa chempıonaty ótetinin jazǵan edik.