Astanadaǵy qysqy serýenge, syrǵanaqqa arnalǵan oryndar tizimi jarııalandy
Elorda ákimdigi resmı saıtynyń málimetinshe, muz aıdyndaryn, slaıdtardy, shaǵyn arhıtektýralyq nysandardy, fotoaımaqtardy jáne basqa da elementterdi ashý boıynsha montajdaý jumystary qarasha aıynyń ortasynan bastaldy. Ol jeltoqsannyń ekinshi onkúndiginde kezeń-kezeńimen aıaqtalady.
Saryarqa aýdanynda 12 syrǵanaq pen 4 muz aıdynyn jabdyqtaý josparlanyp otyr. Qalalyq alańda úlken syrǵanaq pen muz aıdyny, sondaı-aq merekelik fotosýret túsirýge arnalǵan qolaıly taqyryptyq fotoaımaqtar men tabıǵı shyrsha ornatylady.
Bógenbaı batyr dańǵyly, 43 boıyndaǵy saıabaq: tabıǵı shyrsha mańynda ornalasqan otbasylyq muz aıdyny.
«Kóktal» saıabaǵy: túrli jastaǵy adamdarǵa arnalǵan eki syrǵanaq, sonymen qatar jappaı syrǵanaýǵa arnalǵan úlken muz aıdyny.
Esil ózeniniń jaǵalaýy: túrli deńgeıdegi 8 syrǵanaq jáne ózenniń ústindegi muz aıdyny.
A.Gertsen jáne Oqjetpes kósheleriniń qıylysy: qysqy demalysty kóńildi ótkizý úshin syrǵanaqtardyń birin ornatý.
Baıqońyr aýdanynda negizgi oıyn-saýyq oryndary myna mekenjaılarda ornalasady:
«Jastar» saraıy (Respýblıka dańǵyly, 34) aýmaǵynda muz aıdynyn, syrǵanaq jabdyqtaý jáne jańa jyldyq shyrsha ornatý josparlanyp otyr;
J.Táshenov kóshesindegi K.Atatúrik atyndaǵy saıabaq – munda muz aıdyny men syrǵanaq ornatý josparlanyp otyr;
«Jazýshylar alleıasy» (Abaı dańǵyly) – osy ýchaskede syrǵanaq jabdyqtaý, shyrshalar, jańa jyldyq ınstallıatsııalar men shaǵyn arhıtektýralyq nysandar ornatý josparlanyp otyr;
Óndiris eldi mekeni (Aqbıdaı men Kemeńgeruly kósheleriniń qıylysy) – munda muz aıdyny men syrǵanaq ornatylady;
Kırpıchnyı eldi mekeni (Chehoev jáne Jolymbet kósheleriniń qıylysy) – muz aıdyny men syrǵanaq ashylady;
Qazqalashyq eldi mekeni (Dosmuhameduly kóshesi, 6) – bıiktigi 2 metr syrǵanaq jáne 6 metrlik shyrsha ornatylady;
«SMP» eldi mekeni (Kenshiler kóshesi 5, 126-kóshe) – bıiktigi 2 metr syrǵanaq jáne 6 metrlik shyrsha ornatylady. Dál osyndaı syrǵanaq 126-shy kóshede ornatylady.
Qoıandy saıajaı alaby (Alash tasjoly) – munda bıiktigi 4 metr syrǵanaq, sondaı-aq bes metrlik shyrsha ornatylady.
Sonymen qatar, Tselınnyı shaǵyn aýdanyndaǵy Jubanov kóshesi, 3, 3/1, 3/2 aýlalarynyń aýmaǵynda úlken muz aıdyny ashylady. Respýblıka dańǵylynda jáne J.Táshenov kóshesinde jańa jyldyq jaryqtandyrýlar ilinedi.
Esil aýdanynda dástúrli túrde EKSPO aýmaǵynda muz aıdyny, syrǵanaqtar jáne shyrsha ornatylady. Sondaı-aq, syrǵanaq Prıgorodnyı eldi mekeninde de ashylady, al jańa jyldyq shyrshalar myna oryndardy bezendiredi: Túrkistan kóshesi jaǵyndaǵy Botanıkalyq baq, Qabanbaı batyr dańǵylyndaǵy kópir astyndaǵy alań, Prıgorodnyı eldi mekeninde (Arnasaı-Jańadarııa kósheleriniń qıylysy) jáne Dostyq kóshesi men Nurjol býlvarynyń qıylysyndaǵy jańa alań. Bıyl shyrshalar alty negizgi orynǵa ornatylady.
Almaty jáne Saraıshyq aýdandarynda myna oryndar jabdyqtalady:
Qazaq eli monýmentiniń alańynda 2 muz aıdyny, syrǵanaq jáne jańa jyldyq shyrsha ashylady. Alańnyń aýmaǵy shaǵyn arhıtektýralyq nysandarmen, jaryq-lıýmınatsııalyq pannolarmen bezendiriletin bolady.
Táýelsizdik dańǵylyndaǵy Oqýshylar saraıynyń janynda slaıdtar, shyrshalar, shaǵyn arhıtektýralyq nysandar, fotoaımaq jáne muz aıdyny ornatylady.
Trıatlon saıabaǵynda muz aıdyny men syrǵanaq ashý josparlanyp otyr.
«Sana Sport» sport kesheniniń aýmaǵynda muz aıdyny, shyrsha jáne shaǵyn arhıtektýralyq nysandar ornatylady.
Taǵy 4 syrǵanaq Temirjolshylar, Ónerkásip, Internatsıonalnyı jáne Kúıgenjar turǵyn alaptarynda paıda bolady.
Nura aýdanynda arnaıy taqyryptaǵy shaǵyn sáýlet nysandary ornatylady, fotoaımaqtar bezendirilip, jeti syrǵanaq pen jeti muz aıdyny ashylady.
14 jeltoqsanda saǵat munarasynan (Turan dańǵylynyń jaǵyndaǵy ortalyq saıabaqtyń aýmaǵy) bastalatyn 290 metrlik jelilik muz aıdyny ashylady. Muz aıdynynyń ózinen bólek, saıabaqta shyrsha men taqyryptyq qondyrǵylar, sondaı-aq jármeńkelerge arnalǵan saýda pavılondary jáne t.b. bolady.
«Astana-Arena» stadıonynyń mańynda eki muz aıdyny men bir syrǵanaq ornatylady. Sol sııaqty úlken muz aıdyny men syrǵanaq «Zelenyı kvartal» turǵyn úı kesheniniń janynda ashylady. Jaǵalaý skverinde syrǵanaq ornalasady, Úrker eldi mekeninde syrǵanaq pen muz aıdyny salynady. Budan bólek, Ǵashyqtar saıabaǵynyń aýmaǵynda, «Zelenyı kvartal» TK janynda jáne Qabanbaı batyr dańǵyly men Qorǵaljyn tas jolynyń qıylysynda jańa jyldyq fotoaımaqtar ashylady.