Astanadaǵy «Qazaqstan» sport saraıynyń qurylysy qashan aıaqtalady – qala ákimi jaýap berdi

<p>ASTANA. KAZINFORM &ndash; Aldaǵy 1,5 jyldyń ishinde elordada eki sporttyq obekt qaıta salynyp, paıdalanýǵa beriledi. Bul týraly shahar ákimi Jeńis Qasymbek málim etti.&nbsp;</p>

«Bul joba 5 jyl buryn bastaldy, sátsiz model tańdaldy dep oılaımyn. Ótken jyly sot tártibimen memleket pen jeke seriktes arasyndaǵy memlekettik-jekeshelik áriptestestik kelisimshartyn buzyp, atalǵan obektini qaıtardyq. Qazir bul obektiniń qurylysy kelesi jyly aıaqtaıtyn kompanııa anyqtalyp jatyr. Aldaǵy 1,5 jyldyń joba qurylysyn aıaqtaý mindetin qoıyp otyrmyn», - dep jaýap berdi turǵyn saýalyna Jeńis Qasymbek «Baıqońyr» aýdany turǵyndarymen kezdesý barysynda.

Ákimniń aıtýynsha, zamanaýı sport saraıynda muz aıdyny, basseın taǵy sol sııaqty sporttyq sektsııalar bolady. 

«Sonymen qatar keler jyly kóktemde Saryarqa aýdanynda ornalasqan fýtbol stadıonynyń qurylysyn qaıta jandandyrýdy qolǵa alamyz. Sondyqtan da qaladaǵy osy eki tarıhı sporttyq nysan 1,5 jylda salynyp, paıdalanýǵa beriledi», - dep sendirdi elorda basshysy. 

Eske sala ketsek, elordadaǵy «Qazaqstan» sport saraıy qurylysynyń bitpeýi - áriden kele jatqan problema. 2022 jyly jazda «Qazaqstan» sport saraıyn jóndeý jumysy bastalatyny aıtyldy.