Astanadaǵy Qarasý ózeniniń boıyna 40 myń aǵash kósheti otyrǵyzyldy

<p>Respýblıka kúni merekesi aıasynda Qazaqstannyń barlyq óńirinde &laquo;Jańa Qazaqstan. Taza tabıǵat&raquo; atty ekologııalyq aktsııa ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a> Ekologııa jáne tabıǵı resýrstar mınıstrliginiń baspasóz qyzmetine silteme jasap.&nbsp;</p>

Bul kúni barlyq óńirdiń azamattary elimizdiń ekologııasyn jaqsartýǵa úles qosý úshin jalpyǵa birdeı respýblıkalyq senbilikke shyqty. Mundaı is-sharalar azamattyq belsendiliktiń, birliktiń jáne qorshaǵan ortany jaqsartýǵa degen jalpy umtylystyń jarqyn kórsetkishi.

Búgin senbilikke 270 myńnan astam adam qatysty. Elordada Ekologııa jáne tabıǵı resýrstar mınıstrligimen birlesip S.Seıfýllın atyndaǵy Qazaq agrotehnıkalyq zertteý ýnıversıtetiniń jáne L.Gýmılev atyndaǵy Eýrazııa ulttyq ýnıversıtetiniń ekolog-stýdentteri qatysty.

Aktsııa barysynda respýblıka boıynsha 40 myńnan astam qaldyq jınaldy. Jınalǵan qoqys suryptalyp, qaıta óńdeýge 1200 tonna shyny, 3150 tonna plastık, 420 tonna rezeńke, 1300 tonna qaǵaz jáne karton, 890 tonna metall tapsyryldy. 

Foto: Ekologııa jáne tabıǵı resýrstar mınıstrliginiń baspasóz qyzmeti

Astanada Qarasý ózeniniń boıynda 40 myń aǵash kósheti otyrǵyzyldy, onyń 200 kóshetin vedomstvo qyzmetkerleri otyrǵyzdy. Aldaǵy merekege oraı is-shara ótetin jerde mınıstr aýmaqtyq ekologııa departamentterine 11 avtokóliktiń kiltin saltanatty túrde tabys etti.

«Biz osy is-sharaǵa qatysqandardyń barlyǵyna alǵysymyzdy bildiremiz. Taza jáne jarqyn el úshin birlesken kúsh-jigerimizdi keleshekte jalǵastyramyz dep úmittenemiz», - dedi mınıstrlikten.

Foto: Ekologııa jáne tabıǵı resýrstar mınıstrliginiń baspasóz qyzmeti