Astanadaǵy Hýseın ben Talal kóshesinen Qabanbaı batyr dańǵylyna deıingi ýchaske jabylady

<p>ASTANA. KAZINFORM &ndash; Elordadaǵy Kólik jáne jol-kólik ınfraqurylymyn damytý basqarmasy Máńgilik El dańǵyly boıynsha Hýseın ben Talal kóshesinen Qabanbaı batyr dańǵylyna deıingi ýchaskede jol tósemine jóndeý jumystary júrgiziletinin málim etti.&nbsp;</p>

Astana ákimdigi resmı saıtynyń málimetinshe, jol jóndeý jumystaryna baılanysty 28-30 maýsym kúnderi joǵaryda atalǵan ýchaske tolyǵymen jabylady. 

Foto: Astana ákimdigi

Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy. 

Eske salsaq, buǵan deıin elordadaǵy Baıtursynov kóshesindegi ýchaske ishinara jabylatynyn jazǵan edik.