Astanadaǵy erekshe lokatsııa qaýipti bolǵany úshin jabyldy

<p>ASTANA. KAZINFORM &mdash; Sońǵy kezde Astanadaǵy sý retteıtin bógettiń kórinisi áleýmettik jelide keńinen tarap, halyq jappaı sol jerge aǵyldy. Alaıda ol kópshilik tamashalaıtyn oryn emes, qurylysy aıaqtalamaǵandyqtan qaýipti, joldyń jan-jaǵy qorshalmaǵan, kelýshiler sýǵa qulap ketýi múmkin. Sol úshin ákimdik bógetke baratyn joldy japty.&nbsp;</p>

Sý retteıtin bógettiń negizgi mindeti — jazǵy jáne qysqy kezeńde qalanyń ortalyq bóligindegi ózenniń sý deńgeıin retteý. 

Sondaı-aq, bóget ózenniń tasqyn sýynyń eseptik maksımaldy shyǵynyn 703 m3/s ótkizýdi qamtamasyz etedi.

Qala turǵyndarynyń qaýipsizdigi úshin tehnıkalyq ótkel jabyq tur.

«Nysannyń qurylysy kelesi jyly aıaqtalady dep josparlanyp otyr. Joǵaryda aıtylǵandardyń bárin eskere otyryp, elordalyqtardy qaýipsizdik sharalaryn eleýsiz qaldyrmaýǵa jáne qorǵanys qorshaýynan ótpeýge shaqyramyz, sebebi bul qaýipti bolýy múmkin» deıdi ákimdikten.

Sonymen qatar, nysannyń qurylysy aıaqtalǵannan keıin jaıaý serýenge arnalǵan bógetti jaılastyrý máselesi qarastyrylady.