Astanadaǵy birqatar ortalyq kóshe boıynda avtokólik qoıýǵa tyıym salynady

<p>2-4 shilde aralyǵynda Astanadaǵy birqatar ortalyq kósheler boıynda avtokólikterdi qoıýǵa tyıym salynady.</p>

«Elordada 2-4 shilde aralyǵynda ShYU sammıtin ótkizý kezeńinde terrorıstik qaýiptiliktiń „sary“ deńgeıi engizilýde. Mundaı deńgeıdiń engizilýi, sonyń ishinde jekelegen aýmaqtarda kólik quraldary men jaıaý júrginshilerdiń qozǵalysyna shekteýler engizýdi bildiredi.

Qalanyń ákimshilik polıtsııa basqarmasy osyǵan baılanysty «sary» deńgeıdegi is-qımyl kezeńinde turǵyndarǵa Máńgilik el dańǵyly, Dostyq, Túrkistan, Qonaev jáne Qabanbaı batyr dańǵyldarynyń boıynda ornalasqan turǵyn úı keshenderiniń janyndaǵy avtoturaqtardy paıdalanýǵa tyıym salynady dep habarlaıdy», — dep jazdy Astana ákimdiginen.

Bul rette kólikterdi aýlalardyń ishinde nemese joǵaryda belgilengen kóshelerge paralleldi/irgeles qoıýǵa tyıym salynbaıdy.

Sondaı-aq bul kúnderi qoǵamdyq kólikter osy kósheler boıymen júrmeıdi. Turǵyndarǵa"CTS» áleýmettik jelilerinde jarııalap, balama marshrýttar usynylady.