Astanadaǵy baıaý burqasyn: elordalyq TJD turǵyndarǵa úndeý joldady

<p>Astanada qatty jel men burqasyn jalǵasýda. Qalalyq TJD júrgizýshilerden qozǵalys kezinde óte saq bolýdy suraıdy, dep habarlaıdy elorda ákimdiginiń resmı saıty.</p>

«Astana qalasy Tótenshe jaǵdaılar departamenti „Qazgıdromet“ RMK derekteri boıynsha 8 qarashada túnde qarly boran kútiletinin habarlaıdy. Túnde ońtústik-batys jeldiń ekpini 15-20 m/s bolady», — dep eskertti qutqarýshylar.

Vedomstvo júrgizýshilerge jolda óte muqııat bolýdy surady.

Astana TJD azamattarǵa qatty jel kezinde jaraqat almaý úshin qaýipsizdik sharalaryn saqtaýdy usynady:

— ǵımarattardan shyǵýǵa asyqpańyz (múmkindiginshe úı-jaılarda bolyńyz);

— balalardy erekshe baqylaýǵa alyńyz, olardy qaraýsyz qaldyrmaý mańyzdy;

— eger siz qatty jel kezinde syrtta bolsańyz, jaqyn mańdaǵy kireberiste nemese dúkendi panalańyz;

— úılerdiń qabyrǵalaryna jaqyn jerde qatty jelden jasyrynbańyz, óıtkeni shatyr materıaldary qulap ketýi múmkin;

— qoǵamdyq kóliktiń ashyq aıaldamalarynda, bılbordtardyń, aǵashtardyń astynda, aıaqtalmaǵan ǵımarattarda jasyrynýǵa bolmaıdy;

— qatty jelde elektr jelisiniń astynda turyp, úzilgen elektr symdaryna jaqyndaý óte qaýipti;

— jeke kólikti aǵashtardan qaýipsiz qashyqtyqta qoıý usynylady.

Tótenshe jaǵdaılar kezinde 101 jáne 112 nómirlerine habarlasý qajet.