Astanadaǵy aýqymdy ekoaktsııaǵa sheteldik elshilikterdiń ókilderi qatysyp jatyr

<p>ASTANA. KAZINFORM - Elordada &laquo;Taza Qazaqstan: Astana &ndash; tazalyq pen tártiptiń úlgisi&raquo; atty aýqymdy ekologııalyq aktsııa ótip jatyr. Bul apta &laquo;Jasyl aımaq&raquo; uranymen ótip, aǵash otyrǵyzýǵa, aǵashtardyń túbin aqtaýǵa jáne t.b. arnalǵan. Ekoaktsııany elordada ornalasqan 70-ke jýyq elshilik pen halyqaralyq uıym qoldady. Bul týraly qalalyq ákimdiktiń resmı saıty jazdy.&nbsp;</p>

Elordanyń barlyq aýdanynda ekologııalyq is-sharalar ótip jatyr. Baıqońyr aýdanyndaǵy QR Qarýly kúshteriniń Memlekettik áskerı-tarıhı murajaıynyń aýmaǵynda aǵashtar otyrǵyzyldy. Aktsııaǵa Ázerbaıjan, Qyrǵyzstan, Tájikstan, Túrikmenstan, Indonezııa, Grýzııa, Belarýs, Portýgalııa, Taıland, Izraıl, Vatıkan elshilikteriniń ókilderi qosyldy. Іs-sharaǵa qatysýshylar murajaı aýmaǵyna 350-den astam aǵash otyrǵyzdy. 

Foto: gov.kz

«Búgin bizde keremet kóńil-kúı bar. Mundaı aktsııalar qorshaǵan ortaǵa úlken paıda ákeledi. Men aǵash otyrǵyzý, saıabaqtardy kógaldandyrý jumystaryn ylǵı da qoldaımyn. Árbir otyrǵyzylǵan aǵash – bizdiń bolashaqqa qosqan úlesimiz, kelesi urpaqqa qamqorlyq. Bul baǵytta Qazaqstan úlken jumys atqaryp jatyr», – dedi Belarýs Respýblıkasynyń Qazaqstandaǵy Elshiliginiń keńesshi-elshisi Dmıtrıı Zorın.

«Taza Qazaqstan» ekologııalyq aktsııasyn Almaty aýdanyna aǵash otyrǵyzý arqyly Reseı Federatsııasynyń elshiligi de qoldady. Nura aýdanynda taǵy bir jappaı ekoaktsııa ótti. 300 almurt aǵashyn otyrǵyzýǵa Armenııa, Ózbekstan, Lıtva, Rýmynııa, Shveıtsarııa Konfederatsııasy, Nıderland, Oman Sultandyǵy, Iordanııa, Saýd Arabııasy, Marokko, Irak, Kýveıt jáne Eýropa Odaǵy men Islam azyq-túlik qaýipsizdigi uıymynyń dıplomatııalyq mıssııalary men elshilikteriniń ókilderi qatysty.

Nura aýdanynyń ákimdigi arab elderiniń, Eýropa memleketteriniń elshilikteriniń, Eýropa Odaǵynyń jáne kórshi elderdiń ókildikteriniń qatysýy 1 mamyr – Qazaqstan halqynyń Birligi kúnine oraılastyrylǵanyn atap ótti. Saryarqa aýdanynda da jańa jasyl jelekter otyrǵyzyldy. Elordalyq saıabaqta Mońǵolııa, Palestına, Lıvııa jáne Malaızııa elshilikteriniń ókilderi aǵash otyrǵyzý jáne aýmaqty abattandyrý sharasyna jınaldy.

Aıta keteıik, 3 apta boıy elordada «Taza Qazaqstan: Astana – tazalyq pen tártiptiń úlgisi» ekoaktsııasy ótip jatyr.

Esterińizge sala keteıik, aýqymdy ekoaktsııa aıasynda qalany sanıtarlyq tazartý, nóser jáne aryq káriz jelileri, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý jumystary júrgizilýde.

Sondaı-aq, jasyl jelekterdi kútip-baptaý jáne otyrǵyzý, saýda nysandaryna irgeles aýmaqtardy jınaý, kógaldar men gúlzarlar ornatý, ruqsat etilmegen qoqys polıgondaryn joıý jáne t.b. jumystar júrgizilip jatyr.