Astanadaǵy áýejaıda júk urlyǵymen aınalysqan qylmystyq top ustaldy

<p>Elordalyq áýejaıda júk urlyǵymen aınalysqan qylmystyq top ustaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a><a href="https://polisia.kz/elordalyq-auezhajda-zhuk-urlyghymen-ajnalysqan-qylmystyq-top-ustaldy/" target="_blank" rel="noopener">Polisia.kz</a>-ke silteme jasap.&nbsp;</p>

Astana qalasynyń halyqaralyq áýejaıynda keıingi ýaqytta jolaýshylardyń chemodandaryn ruqsatsyz ashyp, ondaǵy aqshalaı qarajatyn, altyn buıymdaryn jáne basqa da baǵaly zattaryn urlaý jaǵdaılarynyń ósýi tirkeldi. 

Máselen 2023 jyldyń tamyzynda «Astana – Stambýl» baǵytynyń jolaýshysy ushyp kelgennen keıin chemodanynan 19 myń AQSh dollary somasynda aqshalaı qarajatynyń joǵalǵanyn anyqtady. Jol júginen 7 800 AQSh dollaryn urlaý týraly dál osyndaı ótinish «Astana – Dýbaı» baǵytyndaǵy áýe reısiniń jolaýshysynan da kelip tústi. 

Osyǵan baılanysty, kólik polıtseıleri kólik prokýratýrasymen birlesip júrgizgen jedel-izdestirý is-sharalarynyń nátıjesinde, atalǵan qylmystardy jasady degen kúdikpen áýe aılaǵynda júk tıeýshi bolyp jumys istegen 6 adamnan turatyn qylmystyq topty ustady. Ustalǵandar óz kinálaryn moıyndady. Aqshalaı qarajattyń bir bóligi alynyp, ıelerine qaıtaryldy. Qazirgi ýaqytta qajetti tergeý áreketteri júrgizilip jatyr, kúdikti tulǵalardyń basqa da osyndaı qylmystarǵa qatysy bar-joǵy tekseriledi. 

Sonymen qatar tergeý organy QPK-niń 200-baby tártibinde elordalyq áýejaıǵa qylmystyq quqyq buzýshylyqtar jasaýǵa yqpal etken mán-jaılardy joıý týraly usynys engizdi, bul soqyr zonalardy alyp tastaý, qyzmetkerlerge qoıylatyn talaptardy qatańdatý jáne basqa da is-sharalar. Bul baǵyttaǵy jumystar jalǵasyp jatyr.