Astana áýejaıynda kún raıynyń qolaısyzdyǵynan 10 reıs toqtatyldy

<p>Astana halyqaralyq áýejaıynda ótken táýlikte (30.12.23) aýa raıynyń qolaısyzdyǵyna baılanysty 40 reıs keıinge qaldyryldy. Elorda áýejaıynda 30 jeltoqsan tańǵy 9:00 ben 12:00 aralyǵynda ushyp-qonýǵa shekteý engizildi, dep habarlaıdy Kazinform áýejaıdyń baspasóz qyzmetine silteme jasap.</p>

Túski 12:00-den keıin áýeaılaqtaǵy shekteý alyp tastalǵanymen, qolaısyz aýa raıy saldarynan áýe kompanııalary reısterdi keıinge qaldyrý týraly sheshim qabyldady.

Elorda áýejaıynyń ushý-qoný alańynda meteorologııalyq jaǵdaı áli de kúrdeli. Qazir áýeaılaqta aýa temperatýrasy -3°S, jeldiń jyldamdyǵy 16 m\s, bultty, tyǵyz qar. 31 jeltoqsan kúni Astana halyqaralyq áýejaıynda barlyǵy 112 reıs josparlanǵan. Qazirdiń ózinde meteojaǵdaıǵa baılanysty 10 reıs keıinge qaldyryldy. Olar:

LH 646 Astana - Frankfýrt

KC 7319 Astana - Qyzylorda

KC 956 Astana-Almaty

KC 992 Astana-Almaty

TK 355 Astana-Ystanbul

IQ 407 Astana-Shymkent

KC 345 Aastana-Óskemen

5W 788 Astana-Abý-Dabı

KC 762 Astana-Almaty

Búgin elorda áýejaıynda QR Kólik mınıstri Marat Qarabaevtyń tóraǵalyǵymen arnaıy shtab quryldy. Shtab quramynda áýe kompanııalarynyń ókilderi, azamattyq avıatsııa komıtetiniń, QR Avıatsııalyq ákimshiliginiń jáne áýejaı basshylyǵy boldy. Arnaıy qurylǵan top ókilderi jolaýshylar arasynda túsindirý jumystaryn júrgizdi.

Odan bólek jolaýshylarǵa 2000 portsııadan astam ystyq tamaq, ystyq jáne salqyn sýsyn taratyldy. Qazir áýejaıda 2500-ǵa jýyq jolaýshy óz reısin kútýde. Jolaýshylar qalyptasqan jaǵdaıǵa túsinistik tanytýda.