Astanadaǵy adam tózgisiz keptelis: Kólikterge avtobýs jolaǵymen júrýge ruqsat berildi

<p>ASTANA. KAZINFORM &mdash; Astanada kepteliske baılanysty avtomobılderge avtobýs jolaǵymen júrýge ýaqytsha ruqsat berildi. Astana ákimdigi osyndaı habarlandyrý jasady.&nbsp;</p>

«Qurmetti elorda turǵyndary men qonaqtary! Qalanyń magıstraldyq kóshelerine ortasha jóndeý jumystary júrgizilip jatqandyqtan, joldyń júrý bóligine asfalt tóselip, jol belgileri qoıylýyna baılanysty avtokólik qozǵalysy ýaqytsha shekteledi. Osyǵan baılanysty kólik júktemesin tómendetý maqsatynda 14 maýsym men 1 shilde aralyǵynda Turan jáne Qabanbaı batyr dańǵyldarynyń búkil boıynda, sondaı-aq Saraıshyq jáne Saryarqa kóshelerinde „Sergek“ kameralarymen avtobýs jolaqtarynda qozǵalysty tirkeý ýaqytsha toqtatyldy» delingen habarlamada.

Astana qalasynyń polıtsııa departamenti elorda joldaryndaǵy ózgeristerge túsinistikpen qarap, sapar aldynda ony eskerýdi suraıdy.

«Óz qaýipsizdigińiz úshin jyldamdyq rejımin saqtaýdy jáne kóshelerdiń jabyq ýchaskelerin eskerip, óz baǵytyńyzdy aldyn ala josparlaýdy suraımyz» deıdi ákimdikten. 

Eske sala keteıik, biz búgin elordadaǵy sumdyq keptelisten turǵyndar dittegen jerine ýaqtyly jete almaı turǵanyn habarlaǵan edik.