Astanadaǵy 2-JEO-da qondyrǵylar kúrdeli jóndeýden ótip jatyr
14:38, 20 Qyrkúıek 2024
<p>ASTANA. KAZINFORM – Qys – qyr astynda. Bul rette, Astana qalasyndaǵy jylý júıesine jaýapty kásiporyndar qondyrǵylardy jańartyp, barynsha qamdanyp jatyr. Máselen, 2-JEO basshylyǵy ınvestıtsııalyq baǵdarlama sheńberinde qazandyqtardy kúrdeli jóndeýden ótkizgen.</p>
Atap aıtsaq, №1 stansadaǵy BKZ-420-140 jáne №7 stansadaǵy E-550-13, 8-560 KT qazandyq qondyrǵylary jańartylǵan.
Bıyl ınvestjobalardy júzege asyrýǵa bólingen 2,326 mlrd teńgeniń ázirge 64 paıyzy ıgerilgen. Jyl sońyna deıin 830 mıllıon teńgege jylý júıesin jańǵyrtý jumystary júrgizilmek.
Kásiporyn basshylyǵynyń aıtýynsha, qoldanystaǵy qondyrǵylardy eski deýge bolmaıdy. Aldyńǵy jyldary ret-retimen jańartylǵan. Dese de, jylý qurylǵylary qalypty jumys isteýi úshin jıi kúrdeli jóndeýden ótkizip turǵan abzal.
Tabıǵı monopolııalardy retteý komıteti mamandary ınvestıtsııalyq baǵdarlamalar sheńberinde atqarylǵan jumystardyń nátıjesin tekserdi. Mamandardyń aıtýynsha, tıisti jumystar ýaqytyly ári sapaly aıaqtalǵan.