Astanadaǵy 12 turǵyn alap joǵary jyldamdyqty ınternetpen qamtamasyz etilgen

<p>ASTANA. KAZINFORM &ndash; Qazirgi ýaqytta elordada 16 turǵyn alaby jáne 1 saıajaı alqaby bar. Sonyń ishinde &laquo;Kóktal-1&raquo;, &laquo;Kóktal-2&raquo;, &laquo;Agroqalashyq&raquo;, &laquo;Úrker&raquo;, &laquo;Telman&raquo;, &laquo;Prıgorodnyı&raquo;, &laquo;Zarechnyı&raquo;, &laquo;Ońtústik-Shyǵys&raquo;, &laquo;Internatsıonalnyı&raquo;, &laquo;Temirjolshylar&raquo;, &laquo;Promyshlennyı&raquo; turǵyn alaptary, sondaı-aq &laquo;Qoıandy&raquo; saıajaı massıvin qosa alǵanda, 12 turǵyn alap joǵary jyldamdyqty ınternetpen qamtamasyz etilgen. 5 turǵyn alaptyń, ıaǵnı &laquo;Óndiris&raquo;, &laquo;Kazgorodok&raquo;, &laquo;Kırpıchnyı&raquo;, &laquo;Mıchýrıno&raquo; jáne &laquo;Kúıgenjar&raquo; turǵyn alaptarynyń úılerine sapaly ınternet qosý 2024 jyldyń úshinshi toqsanynyń sońynda josparlanǵan. Bul týraly ÓKQ brıfınginde Astana qalasy Tsıfrlandyrý jáne memlekettik qyzmet basqarmasy basshysynyń orynbasary Berik Ahmetov aıtty.</p>

«Jalpy jospar 12000 jeke úıge qosylýdy qamtıdy. Búgingi tańda 7593 abonent qosylǵan. Jobaǵa salynǵan ınvestıtsııalardyń jalpy somasy 2,68 mıllıard teńgeni quraıdy. Barlyǵy 665 shaqyrym optıkalyq baılanys jelilerin salý josparlanýda», - dedi ol.

Saryarqa aýdany boıynsha «Kóktal-1», «Kóktal-2» jáne «Agroqalashyq» turǵyn alaptaryna «Qazaq Úı Jelileri» JShS ınvestor bolǵan.

«Kóktal-1»-de 60 shaqyrymnan astam kóshe kabelderi tartylyp, 740 abonent qosylǵan;

«Kóktal-2»-de 35 shaqyrymnan astam kóshe kabelderi tartylyp, 138 abonent qosylǵan;

«Agroqalashyq»-ta 37 shaqyrymnan astam kóshe kabelderi tartylyp, 320 abonent qosylǵan.

Esil aýdany boıynsha Telman t/a ınvestory «Synergy Telecom» JShS 60 shaqyrymnan astam kóshe kabelderi tartyp, 310 abonent qosylǵan;

«Zarechnyı» jáne «Prıgorodnyı» turǵyn alaptarynda «Qazaqtelekom» AQ-tan optıkalyq ınternet bar.

Nura aýdany boıynsha «Úrker» turǵyn alabyna ınvestor «Synergy Telecom» JShS, 140 km kóshe kabelderi tartyp, 1400 abonent qosylǵan.

Almaty aýdany boıynsha «Ońtústik-Shyǵys» (oń jaǵy) turǵyn alabynda 85 shaqyrymnan astam kóshe kabelderi tartylyp, 754 abonent qosyldy. Investor: «Qazaq úı jelileri» JShS.

«Promyshlennyı» turǵyn alabynda 25 shaqyrymnan astam kóshe kabelderi tartylyp, 435 abonent qosylǵan; Investor: «Qazaq úı jelileri» JShS.

«Internatsıonalnyı» turǵyn alabynda 70 km kóshe kabelderi tartylyp, 490 abonent qosylǵan. Investor: «Synergy Telecom» JShS.

«Mıchýrıno» jáne «Kúıgenjar» turǵyn alaptarynda qosylý 2024 jyldyń qyrkúıeginde josparlanǵan. Investor: «Synergy Telecom» JShS.

Baıqońyr aýdany boıynsha «Óndiris», «Kazgorodok» jáne «Kırpıchnyı» turǵyn alaptarynda 2024 jyldyń tamyz-qyrkúıek aılarynda qosylý josparlanýda. Investor: «Qazaq úı jelileri» JShS.

«Qoıandy» saıajaı alqabynda 20 km kóshe kabelderi tartylyp, 20 abonent qosylǵan. Investor: «Tvoı novyı telekom» JShS.

«Elordanyń turǵyn alaptarynda joǵary jyldamdyqty ınternetti qosý jobasy tsıfrlyq tehnologııalarǵa qoljetimdilikti aıtarlyqtaı jaqsartatynyna jáne azamattarymyz úshin jańa múmkindikter ashatynyna senimdimiz», - dedi Berik Ahmetov.