Astanada zırattardy tsıfrlandyra bastady

<p>Elordada zırattardy tsıfrlandyryp, arnaıy saıtta málimetter bazasy jasaqtalyp jatyr, dep habarlaıdy <a href="https://kaz.inform.kz/search_results/?q=%D0%B7%D0%B8%D1%80%D0%B0%D1%82%D1%82%D0%B0%D1%80" target="_blank" rel="noopener">QazAqparat</a> tilshisi.&nbsp;</p>

«2022 jyly Astanada jerleý jáne jerleý isi boıynsha monıtorıng júrgizildi. Taldaý qorytyndysy boıynsha birqatar problema anyqtaldy. Bıyl jyl basynda qala ákiminiń tóraǵalyǵymen jerleý jáne jerleý isine qatysty ózekti máseleler boıynsha jınalys ótti. Sonyń nátıjesinde turǵyndarǵa yńǵaıly bolýy úshin (Abaı kóshesi, 10 mekenjaıy) keńse ashyldy. Máıitke arnalǵan jer telimderin berýdiń ashyqtyǵy, qyzmetterdiń qunyn tóleý, jerlengen adamdardy izdeý, konfessııaaralyq qaqtyǵystardyń aldyn alý maqsatynda qalalyq Tsıfrlandyrý basqarmasymen birlesip 28 zırat tsıfrlandyryldy. Ol týraly zherleu.astana.kz saıtynda málimetter bazasy jasaqtaldy», - dedi Astana qalasy Din isteri basqarmasynyń basshysy Nurdáýlet Álmuhanov qalalyq máslıhat otyrysynda.

Onyń aıtýynsha, atalǵan saıt ázirge pılottyq rejımde jumys istep tur.

«Bul saıt Tsıfrlyq damý, ınnovatsııalar jáne aeroǵarysh ónerkásibi mınıstrligi tarapynan maquldanǵannan keıin tolyq iske qosylady. Sondaı-aq N.Tilendıev dańǵyly men jańa zıratta beınebaqylaý kameralaryn ornatýǵa jáne jedel basqarý ortalyǵymen ıntegratsııalaý maqsatynda qarajat bólindi», - deıdi ol.