Astanada jyljymaıtyn múlikti tirkeýdegi zań buzýshylyǵy úshin úsh notarıýsqa 832 myń 440 teńge aıyppul salyndy

ASTANA. QazAqparat - Aǵymdaǵy jyldyń alty aıynda Astana qalasynda jyljymaıtyn múlikti elektrondyq tirkeý barysynda zań buzýshylyqqa jol bergen úsh notarıýs ákimshilik jaýapkershilikke tartyldy. Olarǵa 832 myń 440 teńge aıyppul salyndy. Bul týraly búgin brıfıngte Astana qalalyq Ádilet departamentiniń basshysy Qanat Mýsın málim etti.

Departament basshysynyń aıtýynsha, «Jyljymaıtyn múlikke quqyqty memlekettik tirkeý týraly» Zańǵa engizilgen ózgeristerge sáıkes, 2015 jyldyń qańtar aıynan notarıýstar memlekettik tirkeýdi elektrondyq negizde júzege asyryp keledi.

«Osyǵan baılanysty qalalyq Ádilet departamenti jyljymaıtyn múlikke quqyqty elektrondyq tirkeý salasyndaǵy memlekettik qyzmet sapasyna udaıy monıtorıng júrgizý ústinde. Bul rette jyljymaıtyn múlikti elektrondyq tirkeý barysyndaǵy zańnama buzǵandyǵy týraly 2015 jyldyń basynan beri Notarıaldy palataǵa 73 usynym engizildi, úsh notarıýske Ákimshilik quqyq buzýshylyq kodeksiniń 214 babyna sáıkes ákimshilik jaýapkershilikke tartylyp, 832 440 somasyna aıyppul salyndy», - dedi Qanat Mýsın.

Keltirilgen málimetterge qaraǵanda, búgingi tańda Astana qalasynda jekemenshik 667 notarıýs notarıattyq qyzmetter kórsetip keledi. Elordanyń barlyq aýdandary notarıaldyq qyzmettermen qamtylǵan.