Astanada jylytý maýsymy 202 kúnge jalǵasty

ASTANA. QazAqparat - Astanada jylytý maýsymynyń qortyndysy shyǵaryldy, dep habarlaıdy qala ákimdiginiń saıty.

Elordada jylytý maýsymy 2016 jyldyń 1 qazanynan 2017 jyldyń 20 sáýirine deıingi aralyqta 202 kúnge jalǵasty.

Elektr kózderinde elektr energııasy 2016 jyldyń 8 jeltoqsanynda eń kóp óndirilgen. (485 MVt/ch), al jylý energııasynyń eń kóp jiberilgen kezi 2017 jyldyń 10 aqpanynda tirkelgen. (1 955 Gkal/ch). 2496 myń tonna kómir jáne 7 318 tonna mazýt shyǵyndalǵan.

Energııa kózderinde І dárejedegi apattar men aqaýlar oryn almaǵan, ІІ deńgeıdegi - 21 apatty jaǵdaı tirkelgen. JES - 1-de - 5 aqaý bolsa, JES-2-de 16 ret isten shyqqan. Jylý jelilerinde І jáne ІІ dárejedegi apattar tirkelmegen.

Al, jylytý maýsymynda elektr jelilerinde eń aýyr salmaq 2016 jyldyń 21 qarashasynda (631 MVt) bolǵan. Astanalyq energotoraptyń energoúnemdeýi JES-2 jáne Qazaqstannyń EEO-nan júzege asyrylady.

Jylytý maýsymy kezinde elektermen qamtý jelilerinde 339 apatty óship qalý tirkelgen. Onyń ishinde 100 avarııa bóten uıymdardyń kinásinen bolǵan. Budan bólek «Astana-REK» AQ jelilerinde - 260 avarııalyq jaǵdaılar bolǵan (ózge mekemelerdiń kinásinen - 86) Tutynýshylar jelilerinde - 79 apat tirkeldi.