Astanada jylý energııasynyń tarıfi ósedi

ASTANA. QazAqparat - Bıylǵy qazanda Astanada jylý energııasyn óndirý men jetkizýdiń tarıfin ósirý josparlanyp otyr. Bul týraly «QazAqparat» tilshisine elorda ákimdiginiń energetıka basqarmasynan málim etti.

«2017 jyldyń 1 qazanynan bastap jylý energııasyn ónidirý men berýge tarıf ósedi dep kútilýde. Atap aıtqanda, jylý qýatyn óndirýge tarıf 15 paıyzǵa, al jylýdy berýge 5 paıyzǵa ósedi», - dep naqtylanǵan ákimdik málimetinde.

Aıta keteıik, tarıfti kóterý 2017 jyldyń maýsymynda Tabıǵı monopolııalardy retteý jáne básekelestikti qorǵaý komıteti departamentiniń buıryǵymen bekitildi.