Astanada jyl sońyna deıin 1428 páter tapsyrylady

ASTANA. QazAqparat - Elordada aǵymdaǵy jyly Óńirlerdi damytýdyń 2020 jylǵa deıingi baǵdarlamasy boıynsha jalpy aýdany 172 myń sharshy metrlik 3093 páterge arnalǵan 12 kópqabatty úıdiń qurylysy jalǵasady, sonyń ishinde 484 páter aǵymdaǵy jyly paıdalanýǵa berildi.

Astana qalasy máslıhatynyń turǵyn úı-kommýnaldyq sharýashylyq, saýda, kólik, ekologııa jáne qurylys máseleleri jónindegi turaqty komıssııasynyń kezekti otyrysynda turǵyn úılerdi salý boıynsha memlekettik baǵdarlamany júzege asyrý máseleleri talqylandy.

Astana qalasy Qurylys basqarmasynyń basshysy Vladımır Lıýtovtyń málimetinshe, jyl sońyna deıin jalpy aýdany 39,6 myń sharshy metrdi quraıtyn 1428 páter tapsyrylady.

«Qoljetimdi turǵyn úı - 2020» baǵdarlamasy ótken jyldyń maýsym aıynda Óńirlerdi damytýdyń 2020 jylǵa deıingimemlekettik baǵdarlamasyna qosylǵan bolatyn. Astanada «Turǵyn úı qurylys jınaq banki júıesi arqyly páter berý» baǵyty boıynsha jalpy aýdany 54,1 myń sharshy metrlik 998 páter, «Jergilikti atqarý organdardyń kezekte turǵan qyzmetkerlerine arnalǵan arendalyq baspana» baǵyty boıynsha jalpy kólemi 28,4 myń sharshy metrlik430 páter, «Jas otbasylarǵa arnalǵan arendalyq baspana» baǵyty boıynsha jalpy aýdany 16,7 myń sharshy metrdi quraıtyn 314 páter tapsyrylady.

V. Lıýtovtyń aıtýynsha, 2016 jyly jalpy aýdany 131 myń sharshy metrdi quraıtyn 2353 páterge eseptelgen 5 turǵyn úıdiń qurylysy boıynsha qazirgi ýaqytta jobalyq-smetalyq qujattamasy ázirlendi.

Jalpy, «Qoljetimdi turǵyn úı - 2020» baǵdarlamasyn júzege asyryla bastaǵan ýaqyttan beri Qurylys basqarmasy jalpy aýdany 119,7 myń sharshy metrdi quraıtyn 2294 páterge arnalǵan 10 kóppáterli úıdi tapsyrdy, dep habarlaıdy elorda ákimdiginiń resmı saıtynan.