Astanada jyl saıyn 50 myńǵa deıin jumys orny ashylady

ASTANA. QazAqparat – Elordada jyl saıyn jańa jumys oryndary ashylyp jatyr. Jumyssyzdyq kórsetkishi tómendep keledi. Bul málimetti Astana qalasy ákimdiginiń «Eńbek mobıldiligi ortalyǵy» mekemesiniń dırektory Oljas Omar aıtty, dep habarlaıdy QazAqparat tilshisi.

«Búginde Astanada jumyssyzdyq deńgeıi 4,5% deńgeıinde. Jalpy jumyssyzdyq kórsetkishi turaqty jáne ol jyl sanap tómendep keledi. Biz qabyldaǵan sharalar jumyssyzdyq deńgeıin turaqtylyǵyn ustap turýǵa yqpal etip jatyr. Aıta ketsek, Astanada jyl saıyn 40 myńnan 50 myńǵa deıin jańa jumys orny ashylady. Indýstrıaldy parkte qanshama jańa jumys oryndary ashylýda. Munyń bári jumyssyzdyq kórsetkishterin saqtaýǵa jáne ony tómendetýge yqpal etedi. Bizge kún saıyn jumys berýshilerden júzdegen ótinish kelip túsedi, olar turaqty jumys usynady», - dedi Oljas Omar qalalyq kommýnıkatsııalar qyzmeti alańynda ótken baspasóz máslıhatynda.

Buǵan deıin habarlaǵanymyzdaı elordada 5500-den astam bos jumys orny bar.

Aıta keteıik, Astanada kezekti bos jumys oryndary jármeńkesi 24 tamyzda saǵat 14.30-dan 17.00-ge deıin «Jastar saraıynda» Respýblıka dańǵyly, 34 mekenjaıynda ótedi.