Astanada jyl boıy oqýshylarǵa sabaq ótpegen №49 mekteptiń dırektory jumystan ketti

ASTANA. QazAqparat – Elordada mektep dırektorynyń isi arnaıy jumys tobynda qaralyp, nátıjesinde ol qyzmetinen bosatyldy, dep habarlaıdy QazAqparat tilshisi qalalyq bilim basqarmasynyń baspasóz qyzmetine silteme jasap.

Astana qalasynyń bilim basqarmasy №49 orta mekteptegi jaǵdaıǵa túsinik berdi.

«Atalǵan mektep dırektoryna qatysty qyzmettik tergeý júrgizý úshin basqarmanyń 26 mamyrdaǵy №1098 buıryǵyna sáıkes jumys toby quryldy. 26 mamyrda jumys tobynyń qorytyndysy boıynsha mektep dırektorynyń is-áreketi tártiptik komıssııanyń otyrysynda qaraldy. Búginde №49 orta mekteptiń dırektory bilim basqarmasynyń 29 mamyrdaǵy №1113 buıryǵymen jumystan shyǵarylǵan», - delingen habarlamada.

Jelide taraǵan aqparatqa sensek, mektep dırektory «Abaıtaný», «Qazaq ádebıetindegi esse jazýdyń qurylymy» jáne «Jahandyq quzyrettilik» sııaqty fakýltatıvti sabaqtar úshin aqsha alyp otyrǵan, biraq sabaqty ótkizbegen.

Bul jaıynda mektep oqýshylary arnaıy vıdeo túsirip, kópshilikke jarııalady.