Astanada jyl basynan beri 1 464 qylmys kameranyń kómegimen ashyldy

NUR-SULTAN. QazAqparat – Jalpy aýdany 800 sharshy shaqyrymnan asatyn elorda aýmaǵynda josparly túrde myńdaǵan baqylaý kamerasy ornatylyp otyr. Onyń basym bóligi – kúndelikti jumysta oń nátıje beretin tsıfrlyq beınebaqylaý júıesi, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Búgingi tańda 24 myńnan astam beınebaqylaý kamerasy elordalyq polıtsııa departamentiniń Jedel basqarý ortalyǵyna shyǵaryldy.

Sonymen qatar, qyzmetkerler kásipkerlik nysandarynda jáne basqa da jerlerde ornatylǵan 42 myń kameranyń jumys isteýine qol jetkize alady.

Jyl basynan beri kameralardyń kómegimen 1464 qylmys ashyldy, onyń ishinde 8 qaraqshylyq shabýyl, 81 tonaý, 30 avtokólik urlaý, 1063 jeke múlikti urlaý, sondaı-aq 24 myńnan astam ákimshilik quqyq buzýshylyq, onyń ishinde 3655 usaq buzaqylyq, 6993 qoǵamdyq oryndarda alkogoldik ishimdik ishý faktileri anyqtaldy.

«Sergek» apparat-baǵdarlamalyq keshen kameralarynyń kómegimen 641 706 quqyq buzýshylyq faktisi tirkeldi.

«Qala turǵyndary men qalalyq qyzmetterden kelip túsken usynystar negizinde Polıtsııa departamenti jergilikti atqarýshy organdarmen birlesip, elorda aýmaǵynda beınebaqylaý kameralaryn ornatý boıynsha jumys júrgizýde. Birinshi kezekte, qalanyń shet aımaqtaryn, jańa qurylys aýmaqtaryn, aýlaishilik aýmaqtardy, azamattar kóp jınalatyn oryndardy, bilim berý nysandaryn kameralarmen jabdyqtaý josparlanýda», - dep atap ótti elordalyq polıtsııa departamentiniń bastyǵy Erjan Sádenov.