Astanada jumyssyzdar tegin kásiptik kýrstarda oqıdy

NUR-SULTAN. QazAqparat - Elordada jumyssyzdarǵa arnalǵan tegin kýrstarǵa jazylý bastaldy, dep habarlaıdy QazAqparat qala ákimdiginiń baspasóz qyzmetine silteme jasap.

Suranysqa ıe arnaıy mamandyqtar tizimi boıynsha turǵyndar úsh aı oqyp, shákirtaqy ala alady.

«Naýbaıshy», «aspaz», «kondıter», «tiginshi», «tárbıeshi», «Anımatsııa jáne beınegrafıka», «elektr-gaz dánekerleýshi», «slesar-santehnık», «kran mashınısi», «manıkıýr sheberi» syndy suranysqa ıe mamandyqtar boıynsha jumyssyzdar tegin kýrstarǵa jazyla alady. Oqýdy sátti aıaqtaǵan soń, jańa biliktilik týraly kýálik beriledi jáne jumysqa ornalasýǵa kómek kórsetiledi. Oqý barysynda 16 759 teńge shákirtaqy tólenedi», - delingen resmı habarlamada.

Sonymen birge, «Astana» ÁKK arqyly kásipkerlikti damytý aıasynda turmysy tómenderge qoldaý kórsetilip jatyr. Máselen, jyl saıyn saýda pavılondary úshin jer telimderin jalǵa berý kvotasy bar. Jyl saıyn 15 jer telimi halyqtyń az qamtylǵan tobyna, onyń ishinde kópbalaly analarǵa esh konkýrssyz bólinedi.