Astanada júk kólikterimen 60 myń reıs qar shyǵarylǵan

<p>Qysqy kezeń basynan beri elorda kóshelerinen 800 myń tekshe metrge jýyq qar shyǵaryldy, bul shamamen 60 myń júk reısin quraıdy, dep habarlaıdy Astana ákimdiginiń resmı saıty.</p>

Demalys kúnderi qalyń qar jaýdy.

«Qazgıdromet» RMK málimetinshe, 31 jeltoqsanda elordada qar jaýyp, boran soǵady, kóktaıǵaq bolady. Ońtústik-batystan soǵatyn jeldiń ekpini 20 m/s, keı jerlerde 28 m/s jetedi.

Turǵyndardyń yńǵaıly júrip-turýy úshin kommýnaldyq qyzmetter táýlik boıǵy jumys rejımine kóshti.

Túngi aýysymǵa saǵat 18.00-den bastap Astana kóshelerine 1000-nan astam arnaıy tehnıka men 300-ge jýyq jol jumysshysy shyqty.

Elordada birneshe jabdyqtalǵan qar polıgondary bar. Olar júk kólikteriniń nómirlerin oqý júıesimen jabdyqtalǵan. Ol jerde beınebaqylaý kameralary ornatylyp, jaryqtandyrý qosylǵan.