Astanada joldar men trotýarlarǵa qum-tuz qospasy sebiledi

<p>Elordada ekpindi jel soǵyp tur, jol kóktaıǵaq. Osyǵan qaraı qalanyń kommýnaldyq qyzmetteri kúsheıtilgen rejımde jumys istep jatyr, joldaǵy kóktaıǵaqpen kúres baǵytynda barlyq sharalar qabyldanyp jatyr, dep habarlaıdy Kazinform qala ákimdiginiń <a href="https://www.gov.kz/memleket/entities/astana/press/news/details/664839?lang=kk" target="_blank" rel="noopener">resmı saıtyna</a> silteme jasap.</p>

Aýa raıynyń qubylýyna, jańbyr túrinde jaýyn-shashynnyń kóp jaýýyna jáne temperatýranyń ózgerýine baılanysty kóshelerde kóktaıǵaq ornaıdy. Qala turǵyndarynyń qaýipsiz júrýi úshin joldarǵa, trotýarlar men kóshelerge qum-tuz qospasy sebiledi.

«Qazgıdromet» RMK derekteri boıynsha, Astanada 5 jeltoqsan kúni boran, kóktaıǵaq bolyp, ekpini 23 m/s deıin jel soǵady.

Aýa raıynyń qolaısyzdyǵyna baılanysty Astana ákimdigi qala turǵyndary men qonaqtaryn jazataıym oqıǵalarǵa tap bolmas úshin kóshede júrgende óte muqııat jáne saq bolýǵa shaqyrady.