Astanada jolaqysy ózgerýi múmkin be
Departament ókili tilshiniń «Bas shaharda ásirese kimder tólem jasaýdan kóbirek jaltarady? Osy máselege oraı qalada jolaqysy qymbattaýy múmkin be?» degen suraqqa Raıymbek Qaırolla jaýap berdi.
«Suraqqa naqty jaýap bermes buryn mynany aıta keteıin, tekseris barysynda jolaqysyn tólemegen qarttar men balalar jáne aıaǵy aýyr áıelder avtobýstan shyǵarylmaıdy. Baıqaǵanymyzdaı, turǵyndar tegin qatynaýǵa qatysty áli de erejeni túsinbeıdi. Mundaı sanattaǵy adamdar eger olardyń qolynda jeńildetilgen karta bolǵan jaǵdaıda ǵana tegin júre alady. Eger kartasy bolmasa onda ózge jolaýshylar arqyly onlaın tólem jasaý kerek. Bizdiń qalada tólem jasamaıtyndar ishinde mektep oqýshylary kóp. Ata-analar balam 18 jasqa deıin tegin júredi dep kartaǵa asa qatty nazar aýdarmaıdy. Sol sebepti tekseris kezinde oqýshylardyń kóbinde jeńildetilgen karta bolmaı jatady. Ata-analar osyǵan jaýapkershilikpen qarasa deımiz. Sonymen qatar ázirge qalalyq koǵamdyq kólikterde jolaqasyn kóterýge qatysty eshqandaı boljam joq»,- dedi ol.