Elordada áleýmettik nysandarǵa jylý berilip jatyr

<p>Elordada úılerge jáne áleýmettik nysandarǵa jylý qandaı jaǵdaıda beriletini aıtyldy, dep habarlaıdy<a href="https://kaz.inform.kz/" target="_blank" rel="noopener"> QazAqparat </a>tilshisi qalalyq otyn-energetıka kesheni jáne kommýnaldyq sharýashylyq basqarmasyna silteme jasap.</p>

«Astana qalasynda jylytý maýsymyna daıyndyq jáne jylý berý qaǵıdalaryna sáıkes aýa raıynyń ortasha táýliktik temperatýrasy +10 gradýs jáne odan tómen bolǵan jaǵdaıda 5 táýliktiń ishinde qalalyq jergilikti atqarýshy organ jylytý maýsymynyń bastalýy týraly sheshim qabyldaıdy», - dep túsindirdi basqarmadan.

Sondaı-aq, habarlamada áleýmettik nysandarǵa jylýdyń berile bastaǵany aıtylǵan.

«Áleýmettik nysandardan (balabaqsha, mektep, aýrýhana, ońaltý ortalyqtary) kelip túsken ótinimder boıynsha jylý berýdi kezeń-kezeńimen iske qosý týraly sheshim qabyldandy», - delingen habarlamada.

Osyǵan qaraı qazir qala boıynsha 116 áleýmettik nysanǵa (balabaqsha, mektep, aýrýhana) jylý berildi.