Astanada jyl sońyna deıin 9 problemaly turǵyn úıdiń qurylysy aıaqtalmaq
Astana qalasy ákimdigi keltirgen málimetterge súıensek, 2019 jyly elordada 16 myńnan asa úlesker qurylysy aıaqtalýyn kútip júrgen 150-ge jýyq problemalyq turǵyn úı bolǵan. 6 jylda 140-tan astam turǵyn úı kesheniniń qurylysy aıaqtaldy. Osylaısha, 15,5 myńǵa jýyq úlesker otbasy kópten kútken páteriniń kiltin alǵan. Olardyń arasynda bul kúndi 15 jyldan astam kútkender de bar.
Sondaı-aq qala ákimdigi bıyl jyl sońyna deıin qurylysy uzaqqa sozylyp ketken 9 turǵyn úıdi paıdalanýǵa berý josparda baryn atap ótti.
«Bıyl qalǵan úılerdiń qurylysyn aıaqtaý josparlanǵan. Bul rette úleskerlerdiń jalpy sany 431 otbasyn quraıdy. Qalǵan 8 obektiniń úleskerlerine (bul 9 úı) kiltterdi bıylǵy jyldyń sońyna deıin blokpen berý josparlanǵan. Bul baǵyttaǵy jumys jalǵasýda jáne elorda ákimdiginiń erekshe baqylaýynda», - dep jazylǵan qalalyq ákimdiktiń Kazinform-ǵa bergen jaýabynda.
Aıta keteıik, buǵan deıin elimizde úleskerlik qurylys boıynsha problemaly nysandar qaı qalalarda kóp tirkelgeni týraly jazǵan edik.