Astanada jyl sońyna deıin 9 mektep paıdalanýǵa beriledi

<p>ASTANA. KAZINFORM - Astana ákimi Jeńis Qasymbek&nbsp;<a href="https://www.instagram.com/p/DBWKY_VsXIY/?igsh=MTE3MzlqNGc4b3Y2cQ==" target="_blank" rel="noopener">Instagram</a> paraqshasynda qalada jańa mektepterdiń salynyp jatqanyn málimdedi, dep habarlaıdy qalalyq ákimdiktiń resmı saıty.</p>

«Bilim oshaqtarynyń qurylys barysymen tanystym. Jyl sońyna deıin taǵy 9 mektep ashýdy josparlap otyrmyz.

Memleket basshysynyń tapsyrmasy boıynsha elordada «Jaıly mektep» ulttyq jobasy iske asyrylyp jatyr. Joba aıasynda 2024-2025 jyldar aralyǵynda jańa formattaǵy 24 mektep salynady. Jyl sońyna deıin ashylatyn mektepterdi eskerer bolsaq, tapsyrylatyn jaıly mektepterdiń jalpy sany 17 bolmaq.

Máselen, qyrkúıek aıynda 15 mektep ashtyq. Olardyń toǵyzy – «Jaıly mektep» jobasy aıasynda. Jyl sońyna deıin taǵy 9 mektep ashamyz, onyń segizi – ulttyq joba aıasynda. Osylaısha, toǵyz jańa mektep eki aýysymda taǵy 30 myńnan astam oqýshy ornyn qurady. Bul oqý oryndary taǵy 4 mektepte úsh aýysymdy oqytý, 3 mektepte tyǵyzdylyǵy joǵary rejımi máselelerin sheshýge múmkindik beredi.

Biz sol sııaqty aldaǵy jyldarǵa da daıyndalyp otyrmyz. 2025 jyly taǵy 20-dan astam mektep salyp, paıdalanýǵa berýdi josparlap otyrmyz. Oqý oryndarynyń qurylysyna jeke ınvestıtsııalar da tartamyz», - dep jazdy elorda ákimi.

Aıta keteıik, buǵan deıin jekemenshik mektepterde bilim alatyn balalar da ystyq tamaqpen qamtylatyny týraly jazǵan edik.