Astanada jyl basynan beri 2 830 jas maman jumys suraǵan

<p>ASTANA. KAZINFORM - Astanada 2024 jyldyń basynan bastap 2 830 jas jumysqa ornalasý boıynsha kómek suraǵan. Olarǵa qandaı kómek kórsetilip jatqany týraly Kommnıkatsııalar qyzmetinde ótken brıfıngte elordalyq eńbek mobıldiligi ortalyǵynyń dırektory Oljas Omar aıtyp berdi, dep habarlaıdy qalalyq ákimdiktiń resmı saıty.</p>

Ótinish bildirgen 2 830 adamnyń 1194-i jumyspen qamtyldy, onyń 785-i jumysqa ornalastyryldy, al onyń 112-si turaqty jumys oryndaryna ornalastyryldy.

«Sýbsıdııalanatyn jumys oryndaryna 673 jas jiberildi, onyń 114-i «Jastar praktıkasy» baǵdarlamasy aıasynda memleketten qoldaý aldy, 23-i «Alǵashqy jumys orny», 60 adam áleýmettik jumys oryndaryna, 476 adam qoǵamdyq jumystarǵa jiberildi», – dedi Oljas Omar.

Ortalyqta jastarǵa arnalǵan úsh negizgi baǵdarlama júzege asyrylady: Alǵashqy jumys orny, Jastar praktıkasy jáne Urpaqtar kelisimsharty.

«Alǵashqy jumys orny» jobasy 35 jasqa deıingi jastarǵa mamandyǵy boıynsha jumys tájirıbesi joq, birinshi ret jumys izdep júrgen jáne qajetti eńbek daǵdylary bar jumyssyzdarǵa bos oryn berýge baǵyttalǵan.

Kepildendirilgen jalaqy – 30 AEK (110 760 teńge), uzaqtyǵy – 18 aıdan aspaıdy. Jumys kezeńi eńbek ótiline esepteledi, al baǵdarlama aıaqtalǵannan keıin shtatqa jumysqa ornalasýǵa bolady.

«Jastar praktıkasy» óz mamandyǵy boıynsha bastapqy jumys tájirıbesin alý úshin kolledjder men JOO túlekterine arnalǵan. Osy sanat boıynsha jumysqa ornalasýǵa qoıylatyn talaptar:

-oqýdy aıaqtaǵannan keıin 5 jyl ishinde (JOO nemese kolledj);

- mamandyq boıynsha jumys tájirıbesiniń bolmaýy;

- jasy 35-ten aspaıdy;

Baǵdarlama boıynsha kepildendirilgen jalaqy – 30 AEK (110 760 teńge), praktıka kezeńi eńbek ótiline esepteledi, uzaqtyǵy 12 aıdan aspaıdy. Aıaqtaǵannan keıin shtatqa jumysqa ornalasý múmkindigi qarastyrylady.

Oqý oryndarynyń túlekteri «Urpaqtar kelisimsharty» baǵdarlamasy arqyly jumysqa ornalasa alady, sodan keıin zeınetkerlik jasqa tolǵan jumyskerdi aýystyra alady.

Qatysýshylarǵa qoıylatyn talaptar jáne baǵdarlama sharttary:

- jasy 35-ten aspaýy qajet;

- oqýyn aıaqtaǵannan keıin 3 jyl ishinde (JOO nemese kolledj);

- kepildendirilgen jalaqy - 30 AEK (110 760 teńge);

- praktıka kezeńi eńbek ótiline esepteledi;

- aıaqtaǵannan keıin shtatqa jumysqa ornalasý júrgiziledi;

- uzaqtyǵy 6 aıdan aspaıdy.

«Sondaı-aq, kásipkerlik belsendilikti arttyrýǵa baǵyttalǵan is-sharalar aıasynda elektrondyq eńbek bırjasy boıynsha 158 jas jáne «Bastaý Bıznes» boıynsha kásipkerlik negizderi boıynsha 220 jas onlaın oqytýdan ótti. 2023 jyldan bastap jastarǵa jeńildikpen kredıt berý baǵdarlamasy iske asyrylýda. Mıkrokredıt berý 21 jastan 35 jasqa deıingi jas kásipkerlerdi qoldaýǵa baǵyttalǵan. Baǵdarlamaǵa jumys isteıtin jastardyń ókilderi qatysa alady. Qaryz somasy: 5 mıllıon teńgege deıin, syıaqy mólsherlemesi: jyldyq 2,5%. Qaryz merzimi 5 jylǵa deıin (mal sharýashylyǵyn damytý úshin – 7 jylǵa deıin). Ótinim bergen sátte JK retinde tirkelý merzimi 5 jyldan aspaýy tıis», – dedi spıker.

Nesıeleýdiń mindetti sharty – kepilmen qamtamasyz etýdiń bolýy. Kepil retinde jyljymaly (mamandandyrylǵan tehnıka) jáne jyljymaıtyn múlik qabyldanady. Mundaı bolmaǵan jaǵdaıda kepil berýshini (ata-analaryn, týystaryn jáne t.b.) jumyldyrýǵa bolady.

Qajetti qujattar tizimi:

- jeke basyn kýálandyratyn qujat;

- joba boıynsha bıznes-jospar;

- shottyń bolýy týraly qyzmet kórsetetin bankten anyqtamalar;

- qarjy uıymdarynan kredıttik bereshektiń, onyń ishinde merzimi ótken bereshektiń bolýy týraly anyqtamalar (kredıtter bolǵan kezde);

- qatysýshynyń/úmitkerdiń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzindi kóshirme) bolǵan jaǵdaıda;

- kepildi qamtamasyz etý retinde beriletin múlikti baǵalaý týraly esep;

- kepil berýshi jáne kepilmen qamtamasyz etý jónindegi qujattar.

Qujattardy qabyldaýdy «Agrarlyq nesıe korporatsııasy» AQ Astana qalasy, Turan dańǵyly, 19/2 mekenjaıy boıynsha júzege asyrady.