Astanada jyl basynan beri esirtkimen baılanysty 194 qylmys tirkeldi

<p>Elordada jyl basynan beri sıntetıkalyq esirtkini jarnamalaıtyn 60 saıt anyqtaldy. Sonymen qatar bıyl 10 aıdyń ishinde 194 esirtki qylmysy tirkelgen.</p>

Bul týraly Astana qalasy Polıtsııa departamenti esirtki qylmysyna qarsy is-qımyl basqarmasy bastyǵynyń mindetin atqarýshy Erkesh Qalykov málim etti, dep habarlaıdy Kazinform.

Astana qalasy kommýnıkatsııalar qyzmeti alańynda ótken brıfıngide 10 aıda Astana qalasy esirtki qylmysyna qarsy kúres departamentiniń 194 esirtki qylmysyn tirkegeni aıtyldy. Sonymen qatar elordada 5 esirtki jasaıtyn zerthanasynyń joıylyp, onyń ishinde 4 fıtolaboratorııa bar jáne sıntetıkany jasaıtyn qala turǵyndary ustalǵan.

«Kún saıyn áleýmettik jelilerde «zakladchık» retinde jumysqa ornalasý týraly habarlandyrýlar, sondaı-aq esirtki satatyn ınternet-dúkenderdiń mekenjaılary kórsetilgen graffıtı sýretterin ornalastyrý týraly synı maqalalar jarııalanady», - dedi Erkesh Qalykov baspasóz máslıhatynda.

Onyń aıtýynsha. esirtki jáne psıhotroptyq zattardy satý jáne jarnamalaý boıynsha ınternet keńistigine turaqty negizde monıtorıng júrgiziledi.

«Jyl basynan beri sıntetıkalyq esirtkini jarnamalaıtyn 60 saıt anyqtalyp, olar jabyldy. Qazaqstan Respýblıkasy Qylmystyq kodeksiniń 299-1 babyna sáıkes esirtki quraldaryn nasıhattaý jáne zańsyz jarnamalaý boıynsha 11 qylmystyq is qozǵaldy»,- deıdi ol.