Astanada jergilikti máselelerdi sheshýde qoǵamdyq keńestiń atqarar róli talqylandy

ASTANA. 7 maýsym. QazAqparat - Búgin Astanada «Qazaqstannyń táýelsiz urpaǵy» qoǵamdyq birlestiginiń uıymdastyrýymen «Turaqty damý maqsatyndaǵy qoǵamdyq dıalog» taqyrybynda dóńgelek ústel otyrysy bolyp ótti.

Atalǵan shara jýyrda máresine jetken «Jergilikti deńgeıdegi qoǵamdyq keńesterdiń mańyzy men damý faktorlary: tájirıbe, másele jáne áleýetin zerdeleý» atty respýblıkalyq joba aıasynda ótkizilip otyr. Joba Soros-Qazaqstan Qorynyń «Memlekettik qarajattyń ashyqtyǵy» baǵdarlamasynyń demeýshiligimen Qazaqstannyń barlyq óńirlerinde jáne Almaty men Astana qalalarynda uıymdastyrylǵan bolatyn.

Joba aıasynda ótkizilgen zertteýlerde qoǵamdyq keńester men úkimettik emes uıymdardyń áriptestik qyzmetindegi ashyqtyq pen tıimdilik máseleleri zerdelendi. Osy shara aıasynda oblys ákimdikteriniń janynan túrli máselelerdi talqylaıtyn keńester qurylǵan bolatyn. Atalǵan dóńgelek ústel barysynda keńesterdiń jergilikti áleýmettik máselelerdi sheshýde qanshalyqty tıimdi qural bolǵandyǵy talqylandy.

Sharaǵa múddeli mınıstrlikter men vedomstvo ókilderi, úkimettik emes jáne aımaqtyq damý sektorlarynyń sarapshylary qatysty.