Astanada jer silkindi me - TJD jaýaby

<p>Astana qalasynda jer silkinisi boldy ma? Elordanyń Tótenshe jaǵdaılar departamenti osy suraqqa jaýap berdi.&nbsp;</p>

"23.01.2024 jyly saǵat 00:19 shamasynda Astana qalasy TJD daǵdarys jaǵdaılary basqarmasyna elorda turǵyndarynan jer silkinisi máseleleri boıynsha 30-dan astam qońyraý tústi.

Ótinishter men habarlamalardyń kelip túsken mekenjaılary boıynsha jedel-qutqarý bólimsheleri jiberildi, olar kelgen kezde ǵımarattar men qurylystarǵa kózben sholyp tekserý júrgizdi jáne jer silkinisi faktileri rastalmady, zardap shekkender tirkelmedi.

Astanada jer silkinisi bolǵan joq, bul Almatyda bolǵan jer silkinisiniń saldary boldy" delingen habarlamada.

Qazirgi ýaqytta jedel shtab ashyldy, 24-51-47 jáne 24-51-71 telefondary boıynsha jedel jeli uıymdastyryldy.

Aıta keteıik, buǵan deıin Almatyda 4 baldyq jer silkinisi sezilgenin jazǵan edik.

Tótenshe jaǵdaılar mınıstrligine qarasty «STÁK» JShS-nyń seısmıkalyq stansalar jelisi Almaty ýaqytymen 23 qańtar kúni 00 saǵat 09 mınýtta jer silkinisin tirkedi. Jerasty dúmpýi Almatydan ońtústik-shyǵysqa qaraı 264 shaqyrym jerde, Qazaqsten men Qyrǵyzstan shekarasy aýmaǵynda boldy.

Energetıkalyq sanaty – 15.1. MPV terbelisi – 6.7. Tereńdigi – 65 km.

Jer silkinisi Almatyda 4 ball deńgeıinde (MSK-64 shkalasy boıynsha) sezildi.