Astanada Jeńistiń 70 jyldyǵyna arnalǵan paradqa daıyndyq qarqyndy júrýde (FOTO)
Bul týraly QR Qorǵanys mınıstrliginiń baspasóz qyzmetinen habarlady.
Dońǵalaqty jáne shynjyr tabandy tehnıkalardy júrgizý boıynsha is júzindegi daıarlyq bastalyp ketti. Jeke men kishi top quramyndaǵy jattyǵýlardan keıin jaýyngerlik mashına júrgizýshileri alańda aýqymda is-qımyldardy pysyqtaýdy bastady. Mehanıkalandyrylǵan lekterdiń jattyǵýy kezinde paradqa qatysatyn barlyq 230 áskerı tehnıka kórsetiledi. Buryn aıtylǵandaı parad eki - tarıhı jáne zamanaýı bólimdi qamtıdy. Paradtyń tarıhı bóliminde áskerı tehnıkalar legin T-34 tankisi bastap, ZIS-2 zeńbiregi, ZıL-157jáne M-30 gaýbıtsasy, tanymal BM-13 RS-30 «Katıýsha», ataqty «Maksım» pýlemeti,RBD (Degtıarevtyń qol oqshashary) PPSh (Shpagınniń pıstolet-oqshashary)leginen quralǵan qurama jalǵastyrady. Paradta áskerı tehnıkalardyń zamanaýı bólimin qarýmen basqarylatyn T-72 B tankisi bastaıdy. Sonymen qatar alańǵa tankterge qoldaý kórsetip áskerı mashınalar «Solntsepek», jaıaý áskerler áskerı mashınalary, BTR-82 brondy transporterleri, D-30 gaýbıtsalar, «MSTA», KamAZ avtokólikteri, «Tıgr» brondy mashına, «Kobra» jaýyngerlik barlaý kóligi jáne sońǵy jyldary qazaqstandyq armııa qataryna alynǵan qarý-jaraqtar men qazirgi zamanǵy áskerı tehnıkalar ótedi.
QR QK Qurlyq áskerleri bas qolbasshysynyń qarý-jaraq boıynsha orynbasary polkovnık Asylbek Satybaldınov paradtyń tehnıkalyq quramy biryńǵaı mehanızm bolýy tıis dep atap ótti. Osy oraıda júrgizýshilerden joǵarǵy deńgeıdegi sheberlikterin kórsetýi, sondaı-aq buıryqty estýi men baǵynýǵa úırenýi, naqty ýaqyty men óziniń qozǵalys jyldamdyǵyn bilýi talap etiledi. Astanaǵa osy maqsatta paradqa qatysý úshin áskerı bólimderden eń úzdik mamandar keldi.