Astanada «Jeńis juldyzdary» úzdik ekskýrsııalyq marshrýt saıysy ótti
«Jeńis juldyzdary» úzdik ekskýrsııalyq jaıaý júrginshi marshrýtyn anyqtaý boıynsha qalalyq baıqaý Uly Otan soǵysyndaǵy Jeńistiń 70 jyldyǵyna arnalǵan. Uıymdastyrýshylar - Astana qalasynyń Bilim basqarmasy jáne Jas saıahatshylar beketi.
Atalmysh sharanyń maqsaty - óskeleń urpaqty otansúıgishtikke tárbıeleý, týǵan jerge degen mahabbatty sińirý, belsendi qyzmet túrlerin damytý, týǵan qalanyń tarıhyna degen tanymdyq qyzyǵýshylyqty arttyryp, mektep oqýshylarynyń shyǵarmashylyq qabiletterin damytý.
«Jeńis juldyzdary» ekskýrsııalyq marshrýtyna 27 mektepten 720 oqýshy qatysty.
Jarys eki kezeńnen turdy. Birinshi kezeńge taqyryp tańdaý, ólketaný materıaldaryn zertteý, marshrýtty qurý jáne ekskýrsııa ótkizýshilerdi daıyndaý kirdi. Jarystyń ekinshi kezeńinde qatysýshylar marshrýtpen júrip ótip, úzdik jobalardy tapsyrý jáne irikteý júrgizildi.
Qalalyq jarystyń qorytyndysy boıynsha, ádil qazylar alqasy ár jas sanatynda qoıylatyn talaptarǵa, qatysýshylardyń sanyna, usynylǵan materıaldardyń sapasyna sáıkes júldeli oryndar anyqtaldy.
«Jeńis juldyzdary» jarysynyń jeńimpazdaryn marapattaý 30 sáýirde ótedi. Jeńimpazdar maqtaý qaǵazdarymen, Bilim basqarmasynyń dıplomdarymen jáne baǵaly syılyqtarmen marapattalady.