Astanada Jeńis kúnine oraı 3 myńnan astam lenta men belgi taratyldy

ASTANA. QazAqparat - Uly Jeńis kúni qarsańynda elordada ardagerlerdiń qatysýymen kóptegen patrıottyq shara bolyp ótti. Soǵys ardagerlerine qurmet kórsetilip, surapyl soǵys jyldary eske alynyp, jeńis toıy toılandy. Elordalyq jastar da qalys qalmaı, lentalary men belgiler taratyp, «Men batyrlar urpaǵymyn» atty jyl saıynǵy aktsııany uıymdastyrdy.

«Jyl saıyn Astana qalasynyń ákimdigi Jeńis kúnine oraılastyrylǵan merekelik lentalar taratady. Bıyl olar Qazaqstannyń nyshanymen erekshe jasaldy, Jeńis ordeniniń sımvolymen qazaqstandyq oıý-órnekter salyndy, týdyń túsindeı kógildir. Lentalar taratýdyń maqsaty jastardyń boıynda patrıottyq sezimdi oıatý, jeńistiń qundylyǵyn túsindirý jáne ótkendi qurmetteý bolyp tabylady », - dedi uıymdastyrýshylar astana.kz saıtyna bergen suhbatynda.

Aktsııa barysynda elorda turǵyndary men qonaqtaryna 3 myńnan astam merekelik lenta taratyldy. Bári de qýanyp, birden taǵyp aldy.

«Óte jaqsy aktsııa, Ol osynaý ataýly kúndi eske salady. Bul keremet, árıne bizdiń urpaǵymyz umytqan joq, al jastarǵa jetkizý kerek. Barlyq elorda turǵyndaryn Jeńis kúnimen quttyqtaımyn, barshańyzǵa jaqsylyq pen baqyt, densaýlyq tileımin », - dedi Astana qalasynyń turǵyny Galına Krasnıkova astana.kz saıtyna bergen suhbatynda.

Aıta keteıik, aktsııa jastarǵa jeńiske jeter joldaǵy qıyndyqtar men ony baǵalaý kerek ekendigin taǵy da bir márte eske salyp ótýge baǵyttalǵan.