Astanada «Jeńis. Barlyǵyna ortaq» kınofestıvali bastaldy

STANA. Maýsymnyń 4-i. QazAqparat /Gúlaına Mergenova/ - Elorda turǵyndary jýyq aradaǵy úsh kún ishinde úlken ekranda Uly Otan soǵysyna arnalǵan ataqty kıno fılmderdi kóre alady, bul jaıynda búgin Uly Jeńistiń 65 jyldyǵyna arnalǵan «Jeńis. Barlyǵyna ortaq» atty kınofestıvaldiń ashylýynda málim boldy.

Festıvaldiń alǵash ashylýy keńestik kınonyń tamasha týyndysy «Tyrnalar ushyp barady», ıaǵnı barlyq kórermenniń kóńilinen shyqqan jáne kóptegen festıvaldyq nagradalarǵa ıe bolǵan kartınamen ashyldy.

Óner merekesiniń ashylýyna Reseıdiń halyq ártisi stsenarıst, prodıýser Bolat Mansýrov «Ólimge jol joq, jigitter!» fılminiń rejısseri jáne armıan keńestik rejısseri, akter, stsenarıst Levon Grıgorıan «Báısheshekter men eńlikgúlder» fılminiń rejısseri keldi. Bul eki fılm de «Jeńis. Barlyǵyna ortaq» kınofestıvalinde kórsetiledi.

Festıval óziniń alǵash kórsetilimin sáýir aıynyń sońynda Ýkraınadan bastap, Belarýs, Armenııa, Grýzııada jalǵastyrdy. Al Qazaqstanda festıval maýsymnyń 4-7-i kúnderi ótip, Túrkimenstanda aıaqtalady.
Festıvalge qoldaý kórsetýshiler: TMD múshe-memleketteri gýmanıtarlyq yntymaqtastyǵynyń memleketaralyq qory jáne «Soveksportfılm» AAQ.

Osy úsh kún ishinde astanalyqtar «Dýman» qonaq úıiniń kınoteatrynda jeti kınofılm kóre alady, olardyń ishinde «Qazaqfılm» kınostýdııasynda túsirilgen «Mánshúk týraly án» fılmi jáne «Sarbazdar shyqty joryqqa» (Ýkraına), «Meniń balalyq shaǵym keıinde qalǵan» (Belarýs), «Soldattyń ákesi» (Grýzııa) lentalary bar. Festıval fılmderi barlyq kórermenge tegin kórsetiledi.