Astanada jeke turǵyn úı órtenip, tórt bala qaza tapty

<p>ASTANA. KAZINFORM &ndash; Elordada jeke turǵyn úıden órt shyǵyp, tórt bala mert boldy. Tilsiz jaý sóndirildi. Bul týraly qalalyq Tótenshe jaǵdaılar departamentiniń baspasóz qyzmeti habarlaıdy.</p>

«Búgin tańerteń Astanada eki qabatty jeke turǵyn úıde shatyr jartylaı qulap, órt boldy. Qutqarýshylar habarlama kelip túskennen keıin órt ornyna 6 mınýtta jetti. Órt aldyn ala 500 sharshy metr alańda oqshaýlanyp, tolyǵymen sóndirildi. Órt saldarynan 2011, 2015, 2021 jáne 2022 jyly týǵan tórt bala qaza tapty», - delingen habarlamada. 

Qazir órttiń sebebi anyqtalýda. Sot-medıtsınalyq saraptama taǵaıyndaldy.

Foto: TJD

«Oqıǵa ornynda órt zertteý zerthanasy jumys isteýde, qaza tapqandardyń jaqyndaryna Apattar medıtsınasy ortalyǵynyń jáne Astana qalasy TJD psıhologtary kómek kórsetýde», - deıdi tótenshe jaǵdaılar departamentinen. 

Buǵan deıin Aqmola oblysynda burynǵy meshitte as berý kezinde gaz ballony jarylyp, úsh adamnyń mert bolǵany týraly habarlaǵan edik.