Astanada jaýǵan nóser jaýynnan kóshede kólik qozǵalysy qıyndady
21:38, 02 Tamyz 2024
<p>ASTANA. KAZINFORM — 2GIS deregi boıynsha elordada nóser jańbyr saldarynan 9 baldyq keptelis tirkeldi.</p>
Kartada elorda joldarynda toǵyz baldyq keptelis deńgeıi kórsetilgen. Kólik qozǵalysy Qabanbaı batyr, Syǵanaq, Saraıshyq kósheleri, Turan dańǵyly jáne basqa da baǵyttar boıynsha qıyndaǵan.
Budan bólek, nóser jańbyrdan keıin taksı baǵasy aıtarlyqtaı qymbattady.
Sondaı-aq, jaýyn-shashyn saldarynan alty elektr jelisinde apattyq úzilis boldy.
Buǵan deıin elordada nóser jańbyrdan keıin 200-ge jýyq tehnıka kóshelerden sý aıdaıtyny habarlanǵan bolatyn. Onyń ishinde mashınalar men motopompalar bar.
Qazgıdromet sınoptıkteri erteń, 3 tamyzda elordada aýyspaly bult shyǵyp, ótkinshi jańbyr jaýady jáne naızaǵaı oınaıdy dep boljam jasady.