Astanada «Jaý júrek myń bala» áskerı-patrıottyq oıyndary ótti

ASTANA. QazAqparat - Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdi iske asyrý aıasynda Astana qalasynda ornalasqan №68655 Áskerı bóliminde «Jaý júrek myń bala» áskerı-patrıottyq oıyndary ótti, dep habarlaıdy elorda ákimdiginiń medıa ortalyǵy.

Jastarǵa áskerı-patrıottyq tárbıe berýdi nasıhattaýǵa baǵyttalǵan is-sharaǵa Astana qalasy ákimdiginiń jastar saıasaty máseleleri basqarmasy muryndyq boldy.
 

Áskerı-patrıottyq oıyndarǵa qatysqan 18 komanda áskerı estafeta, júgirý, jartylaı avtomatty vıntovkadan atý, AK avtomatyn tolyq emes bólshekteý jáne bólshekteýden keıin qaıta jınaý, qanatty ótkel arqyly bógetten ótý, bóget astynan eńbektep qaqpanǵa ótý, granatany nysanaǵa laqtyrý, bóget jolynan ótý sııaqty 8 kezeńde baq talastyrdy.
 
 

Osylaısha, jarys nátıjelerine sáıkes, júldeli ІІІ oryn Polıtehnıkalyq kolledj komandasyna buıyrdy. Kásibı-tehnıkalyq kolledjdiń namysyn qorǵaǵan komanda ІІ orynda. Al ıegeri Qazaqstandyq tehnologııa jáne bıznes ýnıversıtetiniń komandasy barlyq qarsylastaryn artta qaldyryp, oıynnyń jeńimpazy atandy.

Sondaı-aq, jarys qorytyndylary boıynsha, 8 kezeńnen súrinbeı ótken úzdik sarbazdar da baǵaly syılyqtarmen marapattalǵan bolatyn.

Áskerı-patrıottyq oıyndarynyń jeńimpazdaryn marapattaý rásimi estrada juldyzdary qatysqan kontserttik baǵdarlamamen aıaqtaldy.