Astanada jataqhananyń shatyry órtendi

<p>ASTANA. KAZINFORM - Astanada Baıqońyr aýdanynyń Jetisaı kóshesinde ornalasqan bir qabatty jataqhananyń shatyry jandy, dep habarlaıdy QR TJM baspasóz qyzmeti.&nbsp;</p>

Órt oryn alǵan nysanda elektr qýaty sóndirildi. Zardap shekkender týraly aqparat túsken joq. 12 bólmesi bar jataqhananyń turǵyndary ózderi evakýatsııalanǵan.

Órt ornynda 26 qutqarýshy men 7 birlik tehnıka jumys istedi. Oqıǵa ornyna turǵyndardy jylytýǵa arnalǵan avtobýs jiberildi.

Órt sóndirýshiler jataqhanadan 15 gaz ballonyn shyǵardy. Zardap shekkender joq. Órt 22:38-de oqshaýlanyp, 01:01 saǵatta 160 sharshy metr aýmaqty sharpyǵan tilsiz jaý joıyldy. Oqıǵanyń sebebi anyqtalýda.