Astanada jataqhanada shyqqan órtti sóndirýge 15 tehnıka jumyldyryldy

<p>ASTANA. KAZINFORM &mdash; Elordalyq órt sóndirýshiler 250 sharshy metr aýmaqty sharpyǵan órtti tolyǵymen sóndirdi, dep habarlaıdy vedomstvonyń baspasóz qyzmeti.</p>

Almaty aýdanynyń Buqtyrma kóshesindegi úsh qabatty kópfýnktsıonaldy ǵımarattyń tóbesi, shatyry jáne úshinshi qabatyndaǵy bólmeler jandy. Órt sóndirý bólimsheleri kelgenge deıin úshinshi qabatta tóbe qulap, 40 adam óz betinshe dalaǵa shyqty. Órt ornynda jedel órt sóndirý shtaby quryldy. Órtti sóndirýge 7 sý oqpany berildi. Sondaı-aq, órt bolǵan jerde jylytý pýnkti uıymdastyryldy. 

— 30 qarashada 101 pýltine saǵat 17:52–de Almaty aýdany Buqtyrma kóshesi 32 mekenjaıynda ornalasqan úsh qabatty jataqhana shatyry órtenip jatyr degen aqparat kelip tústi. Shaqyrý ornyna birinshi bólimshe 6 mınýtta kelip jetti. Kelip jetkende jataqhana tóbesi órtenip jatqany anyqtaldy. Órtti sóndirýge 15 tehnıka, 65 jeke quram jumyldyryldy. Órt saǵat 19:21–de oqshaýlandy. Saǵat 20:27–de órt joıyldy. Órt 250 sh. m. aýmaqty sharpydy, — dedi Astana qalasy TJD Órt sóndirý qyzmetiniń bastyǵynyń mindetin atqarýshy Baqytjan Maýlenberdıev.

Sonymen qatar, TJM medıtsına jáne apattar ortalyǵynyń qyzmetkerleri turǵyndarǵa psıhologııalyq jáne medıtsınalyq kómek kórsetti. 

Buǵan deıin Astanada júk kóliginiń janarmaı bagy jarylyp, adamdar zardap shekkeni habarlandy.