Astanada jastar arasynda bokstan Azııa chempıonaty ótedi

<p>Astana qalasyndaǵy &laquo;Beeline Arena&raquo; sport kesheninde 23 qazan men 3 qarasha aralyǵynda alǵash ret bokstan jasóspirimder jáne jastar arasynda Azııa chempıonaty ótedi, dep habarlaıdy <a href="https://kaz.inform.kz/" target="_blank" rel="noopener">Kazinform </a>elorda ákimdiginiń resmı saıtyna silteme jasap.&nbsp;</p>

Elordada jalaýy jelbireıtin baıraqty básekege sary qurlyqtyń 23 elinen eń myqty degen 200 jas sportshy Azııa chempıony ataǵyna talasady. Olardyń qatarynda Ózbekstan, Qytaı Taıbeı, Japonııa, Fılıppın, Gonkong, Ońtústik Koreıa, Mońǵolııa , Iran, Qyrǵyzstan, Úndistan, Vetnam, Taıland, Birikken Arab Ámirlikteri, Tájikstan, Túrikmenstan, Palestına, Pákistan, Iemen, Irak, Iordanııa, Kýveıt, Malaızııa jáne Qazaqstan memleketteri bar.

Jekpe-jek olımpıadalyq júıe boıynsha ótedi. Uldar 13 salmaq (46-48 keli, 51 keli, 54 keli, 57 keli, 60 keli, 63,5 keli, 67 keli, 71 keli, 75 keli, 80 keli, 86 keli, 92 keli, +92 keli); qyzdar 12 salmaqta (45-48 keli, 50 keli, 52 keli, 54 keli, 57 keli, 60 keli, 63 keli, 66 keli, 70 keli, 75 keli, 81 keli, +81 keli) synǵa túsedi.

Jastar arasyndaǵy chempıonatqa 2005 jáne 2006 jyly týǵan boksshylar qatysady. Al 2007 jáne 2008 jyldary týǵan balalar jasóspirimder arasyndaǵy jarysta baq synaıdy.

Boks básekesin «Qazsport» telearnasy tikeleı efırde kórsetetin bolady. Al negizgi sharshy alańdaǵy jekpe-jekter 23 qazan men 3 qarasha kúnderi 12:00-den 22:00-ge deıingi ýaqytqa josparlanǵan. Fınaldyq jekpe-jekterdiń jeńimpazdary 2-3 qarashada anyqtalady.

Aıta ketsek, Qazaqstan boks federatsııasy buǵan deıin Azııa chempıonatyn 2016 jyly Pavlodarda ótkizgen bolatyn. Jeti jyldyq úzilisten keıin negizgi oqıǵa Astana tórine qaıta oralmaq.

Jankúıerler úshin kirý tegin. Іs-shara Týrızm jáne sport mınıstrliginiń jáne Astana qalasy ákimdiginiń qoldaýymen ótedi.