Astanada jas jigit júrip bara jatqan kóliktiń kapotynda trıýk jasaǵan
Polıtsııa qyzmetkerleri áleýmettik jelilerge monıtorıng júrgizý barysynda Instagram jelisindegi storıste jarııalanǵan jol qozǵalysy erejelerin óreskel buzýǵa qatysty beınerolıkti anyqtady.
Qasaqana jol erejesin buzýshylar anyqtalyp, polıtsııaǵa jetkizildi. Olar 18-19 jas aralyǵyndaǵy qala turǵyndary ekeni belgili boldy.
«Hyundai Tucson» markaly avtokóliginiń júrgizýshisi QR ÁQBtK 593-babynyń 1-bóligi boıynsha jaýapkershilikke tartyldy.
Al «kapottaǵy jolaýshyǵa» qatysty QR ÁQBtK-niń 434-baby boıynsha ákimshilik is qozǵaldy.
Mamandandyrylǵan aýdanaralyq ákimshilik sotynyń sheshimimen oǵan 10 AEK kóleminde ákimshilik aıyppul salyndy.
Nur-Sultan qalasynyń polıtsııa departamenti qoǵamdyq tártipti buzbaýdy, júrgizýshilerge jol qozǵalysy erejelerin qatań saqtaýdy jáne basqa kólik quraldarynyń qozǵalysyna kedergi jasamaýdy eskertedi.