Astanada jas jigit 24-qabattan sekirip ketti
15:16, 01 Qarasha 2022
ASTANA. QazAqparat - Astanada 18 jastaǵy jigit sýıtsıd jasady, dep habarlaıdy QazAqparat.
31 qazan kúni Esil aýdanynyń polıtsııa basqarmasyna Qabanbaı batyr dańǵylynan saǵat 19.30 shamasynda belgisiz er adamnyń máıiti tabylǵany týraly shaqyrý kelip tústi.
Tekserý barysynda atalǵan fakti rastaldy.
Polıtsııa qyzmetkerleri er adamnyń jeke basyn anyqtady.
Ol 24-shi qabattan sekirgen 18 jastaǵy elorda turǵyny bolyp shyqty.
Atalǵan fakti boıynsha sotqa deıingi tergeý amaldary bastaldy, tıisti saraptamalar taǵaıyndaldy.